مواقف مضحكه صارت بيكم , مقاطع مضحكة هتخليك تموت وتبكي من قوة الضحك , فيديوهات مضحكة,مقالب مضحكة,مضحك,فيديوهات مضحكة جدا,فيديو مضحك,اضحك,مقطع مضحكة,اضحك من قلبك,فيديوهات مضحكة 2020,فيديوهات مضحكة 2019,فيديوهات مضحكة 2019,فيديوهات مضحكه,فديوهات مضحكه,فيديوهات مضحكه جدا,فيديوهات مضحكة عربية,فديوهات مضحكه جدا ضحك,مقالب محكة,مقاطع مضحكة,مضحك,فيديوهات مضحكة,قطط مضحكة,مضحكة,مقالب,مواقف مضحكة,مقطعضحك,مضحك,تحدي الضحك,اضحك,فيديهات مضحكة,تحدي,مقاطع مضحكة,هتموت م الضحك,الضحك حتى الموت,الضحك,فيديو مضحك,الصضحك,ضحك السنين,تضحك,موت الضحك,الدحيح,يوجا الضحك,مضحك ,هتبطل ضحك,الضحك للركب,الذاكرة,aj+ الدحيح,البحيرة,مقاطع ضحك,مضحك 2019,الحلقة,الزعيم,film مضحك مضحك,مضحك جدا,مقاطع مضحكة جدا,اضحك قطط مضحكة جدا,مواقف محرجة,مواقف مضحكة جدا,اضحك من قلبك,مقاطع مضحكه,مقاطع مضحكه جدا جدا جدا,فيديو مضحك,مقاطع مضحكة للاطفال فيديوهات مضحكه مقالب مضحكه جدا جدا تجميعة تحدي الضحك #3 حوادث سيارات مضحكة جدا جدا جدا يستحق المشاهدة 251 مر فيديوهات مضحكه مقالب مضحكه جدا جدا تجميعة تحدي الضحك فيديوهات مضحكه مقالب مضحكه جدا جدا تجميعة تحدي الضحك مواقف مضحكه خباثه عراقيه
هذه مجموعة من المواقف المضحكة لتغيير الجو حدثت في العراق بين مدرس وطالب او بين الطالب والمدرس بالابتدائية او المتوسطة او الاعدادية بمختلف المراحل الدراسية نذكرها هنا لتغيير الجو والضحك وتذكر ايام الطفولة
==============
درس الاسلاميه كنت اشرح عن معجزات الرسول رفع طالب ايده مع اني اعر ف هم مامحضرين كلت ياله بلكي شي مهم كال ست البارحه حلمت ابوي جابلي موبايل واني فر حت بي لان.ماعندي موبايل كتله وشنو الرباط بالسالفه كال حبيت اگلج كتله ليش اني افسر للاحلام كال لا كتله شوافه كال لا كتله اله ربط بالمعجزات كال لا اي فهمني شنو السالفه خطيه بعد مايعر ف يحجي الطلاب شبعو ضحك عليه
=============
مرة اختي معلمة دصحح علوم سؤال جايبتلهم ماهي صفات الخيول العربية وحدة مجاوبة حلوة وحبابة ومتزاكط
============
اليوم بنيه لابسه كفوف للدرس الخامس گتلها ماما حارة نزعيهن گالت لا جدد البارحه امي اشترتهن ضحكت گتلها بس لابايته بيهن گالت لا مو لهدرجه ..البنيه بلسادس
============
مره طالب دا اشرح ونام بالصف اولا اخذتله صوره الي وره طلاب اجو رفعوا أصابعهم منتصرين كتلهم عليمن منتصرين كالوا على صديقنه المهم كلت خلي اكعده كتله يوسف يوسف كال بروح جدج خليني نايم شويه خربت ضحك بوكته
============
تلميذه دائما تغيب هي بصف الثاني فسالت التلميذات منو قريبه لبيته فكالت وحده ست بيتهم يمنه كتله وانتم وين بيتكم كالت يمهم🤣🤣🤣فما عرفت البيتين وين
===========
مره طالب عندي بصف ثالث يصيح ست ست كتله احجي كال ست بياصف وبطلتي
==========
اني جنت محاضره وادرس صف اول ابتدائي جان عندي امتحان اخر السنه امتحان علوم سألة الطالب كتله كتله وين ايعيش السمج كام يفر ابيده ويكلي الله يا الله بسماء يعيش وين يعيش غير بالمي وعافني وطلع
=========
اني اخذ صف اول متوسط
مره جايه اشرح واكوا طالب يحجي فآني اخذت صفنه عليه اريد ينتبه فصار هدوء بالدرس
فواحد من الطلاب كال ست والله صفنتج حلوه
==========
مره وحده من طالباتي سألتني عمة شو انتي تعرفين كلشي مثل معلمتنه بالصف وافتهم عليج اكثر منها شلون هيج تعلمتي تقرين انتي بيا صف و بطلتي 😁ومن عرفت اني مدرسه تكولي عمة لعد هاي معلمتنه بالصف بس تصيح و كلشي ما افتهم منها تعالي قرينه بالصف بمكانها
=========
هاي بنتي ضيعت خمسميه كلتلها للمعلمه المعلمه نطتها الف كلتلها لا هاي مو فلوسي اني ربعين المعلمه نطتها ربع لأن ماعدها رباعه وكتلها بعد تطلبيني ربع هي مصدكه تكول اطلبه ربع بعدددد كتلها لج عيب روحي رجعي باجر تكول لا هو مالتي واني تطلبها للمعلمه بعد ربع
========
هاي ابن جيرانه سالته المعلمه من ابوك يكمل اكل شيكول كاله يكول صبو لجاي ههههه هو جان درس اسلاميه يعني قصدها يكول الحمدلله
=======
مر بنتي فشلتني كالتله لمعلمه خلي امج اتقريج كالتلها امي بس نايمه يم ابويه ما اتقريني
=========
طلابي كتلهم يوم الاحد امتحان عدكم اقرو عدل جان تنط وحدة ست ست ست اني مشغولة عنها بعدين رديت عليها عبالي شو شبيها تكلي ست اريد اسألج ع الامتحان كتلهه شبي ؟
تكلي يعني تجيبيلنه اسئلة ؟ كتلهه لا نكات
============
طالب بالثاني اجاني بالفرصة مجروح براسه ضمدته ورا يومين اجاني يكلي ست امي تكول كللها للمعلمة شوكت نفتح الضماد
=============
طالب عندي اقري باخته ردت اعاقبه وهو حيل مستعجل اكوله اسكت خلي تخلص ونسيت ودرستها كل المواد قبله كلي يلا ست قريني كتله اسكت جان يكولي ست ترا انتي استهترتي حيل
===============
طبيت للاول ابتدائي ولدين كاعدين يم الشباك كتلهم ماما سدوا الشباك بارده عليكم جان يكلي ست احنه شياطين كلشي ميصير بينه
==================
طالب سادس ابتدائي سئلني ست اذا نحفر بالارض نطلع من الجهة الثانية للكرة الارضية
================
مرة سديت شاغر بصف اول جان معلمهم عندة فاتحة امة توفت ف كتلهم اكعدوا احجيلكم قصة كام طالب كالي ست متدرين شصار البارحة كتلة شصار كالي معلمنة تحلف بينه ميخلينة عشرات بس خمسات وستات ههههههه كتلة اي كال واحنه معلينة مو احنه الي سوينة هوسة وهو مو تحلف بينه كتلة اي كال امة ماتت العصر لان احنه ما علينه
=============
مره بالابتدائيه استاذ الرياضه جان ديكول طلاب لازم تلبسون احذيه رياضيه باليوم الي عدكم بي رياضه
جان واحد ويايه بالصف نزع الحذاء مالته ورفعه ليفوك كدام الكل كله استاذ هذا الحذاء رياضي؟؟😂😂
جان الاستاذ باوع عليه بنظره كله هاي انت كدام ابوك هيج ترفع حذائك
===============
من طبقت كتلهم اكتبولي ذكرى لكيت وحدها كاتبه سلام الله على شمس ساطعه والقمر منير
=============
موقف صار وي ابني اني مستغربته واضحك علي ابني شاطر وياخذ كله عشرات جايه صديقه كايله شوفني الإملاء وانطيك الف ابني فاتحله الدفتر وماخذ منه الالف طبعا اني كمت احجي علي بس ابني يبيع تعبه بالف
=============
بنتي بالاول طلعت العلوم اشرت اله على الحصان كتله هذا شنوه كالت هذا فيل كتله زين هذا شنوه على الطلي كالت ميعيه كتله شياكل كالت هذا الاخظر البلكاع
وابني بالقصيده بدال ما يكتب احمد شوقي كتب احمد منفي اسم المحافظ كتب انشاء
=================
اليوم اشرح درس بالأسلاميه عن ياسر وسميه بصف الأول متوسط فكلتلهم انو عمار ابن ياسر ذكر الهتهم هبل مجر حتى يحمي نفسه من الهلاك ولأنه لاقى ما لاقى فلا تثريب عليه لأن قلبه مؤمن بالله تعال فطالب سألني ست يعني شنو تشريب
===========
جنت اخذ صف اول وعدنة طالب يبوك واهله يدرون بي يكتلون ميفيد بعدين توبته تشجيع وجكليت ووو صار يحبني ويسمع كلامي كال اشيل لج جنطة اغراضج بطاقات واقلام بجنطة اخليهن من باب التشجيع انطي جنطتي يشيلها ويمشي وياية مرة مرتين الثالثة ملكيت ولا قلم مال سبورة ولا مسحة ها واقلام الجاف هم كلهن بايكهن
=============
هاي مرة اخويه راح للامتحان مال العلوم اسئله الأستاذ كاله منين انجيب الماي جاوبه من دبه ماي اروا خمسيه دينار عود من الأنهار وبحيرات ايكلك الأستاذ اريد ايسد حلكه من الضحك ميكدر يسكت
===========
ابني صف سادس ابتدائي هو متفوق بس يحب يشاقى هواي فا المعلمه بدرس العربي طلبت منه يحول الجمله للمؤنث والجمله كانت احمد يشتري اللبن قال لها حمديه ام اللبن😂المعلمه تكول شبعته كتل واني اضحك
===============
ههههه مرة ادرس ابني وزميله عربي كتله حطلي كلمه معلم في جمله كال المعلم يستلم راتب
============
مرة هم صف ثالث ابتدائي گلت لأمي اني مو حافظه جدول الضرب ، چان تكول 3x7 ? گلتلها مااعرف
كالت 21 راح اسألجياه بالامتحان وظلت تسألني واني اردلها طول الطريق
صار الامتحان ووصلت لأسمي / امنـة، من مكاني رديتلها 21
===========
ابني مخلينه مراقب واي معلم يدخل لازم علاوي يكول قيام ليش ماالمعلم جايهم كايللهم عدنه مشرف خاف يصعد علاوي مثل كلمره كول قيام يكول شويه واشفت شخص تقرب علصف ودخل وصحت قيام كامت الطلاب يكول رد علينه كال كعدو بابا كعدو اني مولمشرف اني ابوالجام اجيت اشوف اذ عدكم جامه مكسوره
============
اني دااحجي وي طالب اكوله ليش هيج اسلوبك موحلو فأصدقاءه بيناتهم يحجون شنو اسلوبك صاحبه يكوله يكوله يعني سلوبه صاحبه الثاني يكوله ولك سلوكه يعني سلوكي يعني كلب سلوكي هذا الي يصير ضعيف حيل واني صافنه عليهم
============
بس مره معلمتي بصف ثالث ابتدائي عندها شامه حبيره بصف خشمه كتله ست المن امخليه علج مدور بصف خشمج كالت لا حبيبي هاي فيكه والله عيب فشلته
=============
ببداية كل موسم دراسي اصعب شي نواجهه هو الأول ابتدائي وشلون الطلاب يبچون ومايقبلون يجون للمدرسه ويردون اهلهم
فيوم من الأيام بالاصطفاف واگفين كلنه
واحد من طلاب الأول ابتدائي بس يبجي بكل الأيام اللي داومهه فطلع بالاصطفاف گدامنه وكدام الكل كام يصيح :
هاي جنطتكم ماريدها وشمرها ويبچي
ولزم تيشيرته نزعه وشمره والله وبس يبچي
وآخر شي دنك عالبنطرون يريد ينزعه همزين تلاحگناه لزمناااااه 😁😁😁😁
============
چنت صف رابع إعدادي چانت مدرسة العربي ضعيييفه وتلبس نفنوف بي جيوب كبار من الصفاح وسولتها تمشي بين السراوات مال بنات وتشرح احنه من ظيمنه منفتهم شرح الأدب مالتها كمنه نشكك أوراق ونترس جيوبها كلما تفوت من رحله علما زتيناها من الصف وجيوبها معبايه كصاكيص
================
جنت ادرس علوم صف رابع وموضوعنا عن الحيوانات فدنشرح عن الزواحف وسألت الطالب صفن صديقه كله شبيك الزواحف بالزوراء يزحفون على البنات وطالب صف اول نشرح عن انواع البيئات كلي ست لاتروحين للصحراء كتله ليش كال بيها سعنونه
=================
طالب كتله اذا متكتب يومية جدول الضرب اعاقبك سبوع متلعب بوبجي كال والله ما اكدر كتله شهر متشوف ابوك كال اي عادي
================
اخذ صف ثالث جنت امتحنهم على سبوره رياضيات تقريب واحد من طلاب حل وحله غلط اني كتله عفيه صحيح اخذت عشره جنت دايخه فكام واحد من طلاب وكال ست حله غلط انتبهت صحيح غلط ماحسيت الا انطاني قلم ويكول ست أمسحي عشره فضحتينه 😂 ضحكت وضحك الصف
===============
اني جنت بدايه سنه واكتب اسماء البنات الراسبات بالاول ابتدائي ف جيت سالت كتلها انتي بت العام جان تكول لا انتي بت فخريه
==============
اجه طالب يبجي للاداره صف اول طب راسا الغرفه المعلمات ويبجي جان هواي غياب ف جمعناهم بصف واحد وهو يبجي شبيك جان يكول الصفوف غريوهن. ههههه يقصد غيرو صفه ههههههه
==========
هـ♥̨̥̬̩👈🏻ذآإ واحد من ربعنه ياخذ انكليزي صف ثالث ف جاي يحچي بالدرس وينطيهم كلمات واحد من الطلاب رفع ايده وكله استاذ انته والله نغل كلشي تعرف
يكول دك الجرص ثلث مرات واني صافن
=============
جان عندي درس وية صف الأول ابتدائي
فخلصنة الدرس خليت الطلاب على راحتهم آخر ٥ دقائق
فصارت هوسة
طالب عندي بالصف
جان يكوللهم طلاب لا تصيرون وكحين وتتعبون الست
الست خطية تعبانة لا تتعبوهه أكثر
ولا تصيرون وكحين مثل الشيطان
==========
هاي ابني جاي اقري اسلاميه سألته ماهي مفطرات الصوم كال تمر ولبن
===============
مره دخلت للصف كتلهم قيام كلهم وكفو كالو عاش العراق شفت واحد كاعد صرت عصبيه كتله مو عيب لازم توكف احترام مثل جماعتك جان يكلي ست اني واكف والله بس كصير😂😂 خطيه خجلني
=============
عندي طفل امه تخليله اكل بالجنطه بس هذا الطفل كولش فقير تخليله نساتل وتفاحه وجزر وهو ابد ميفتح الجنطه وياكل يوميه الام تخابرني وتكلي ما يتكل فدوه شجعيه يفتح الجنطه ويطلع الاكل حتى ياكله اني كمت افتح الجنطه مالته وانطيه الاكل هو ميقبل بالكوه يله ياكل اشويه اني شكل اكل هذا الجزر طيب ويقوي النظر واني احب الجزر هو كام يوميه يجبر امه على الجزر تخليله بالجنطه الى ان صار الطفل بصف رابع جان فد يوم شفته هو وامه جان يكل الامه هاي المعلمه ام جزراينه الي تاكل الجزر مالتي واني انصدمت والله ولا فد يوم ماكله الجزر مالته بس اول يوم اشجع بيه وكتله اني احب الجزر وجان ايمشيه عليه ام جزرايه شوفو فوكاه انوب
============
بنصف السنه اشوف ابداعات بالاجابة كارثية واكو بعضهن طابعات ببالي واكثرهن هو ليش الطير ميتكهرب من يقف على سلك الضغط العالي وكان جواب... لان ارجل الطير مصنوعة من البلاستك
==========
أمير بارحه مضيع الف بالساحه راح لاداره يكلهم الف مالتي ضاع شايل مدير الف وناطي كتله مو عيب يكلي اي مو ضاعت بالساحه عند مدير
=============
اجيت البيت اهلي اختي تقري ابني عنده امتحان رحت لسوك اشتريت تايت وصابون كلت خاف انساهم خلي اخليهم بجنطت ابني نسيته بجننطه ابني يروح بيهم للمدرسه وخطيه الطلاب فاضحي وكايلين المعلمه ست حسين جايب تايت كايله شعليكم بي موزين نظيف جايب تايت هههههههه همزين مفشلتهم
=============
بنتي جانت صف اول شرحتلها ع تكاثر الكائنات الحية وسألتها القطة تتكاثر بالولادة لو بالبيض كالت بالبيض كلتلها يعني البزونه تبيض كالت اي تبيض واني شفتها بعيني
========
فد يوم نراقب على طلاب صف اول متوسط
الأسئلة بنهايتها مطبوع
مع تمنياتي لكم بالنجاح والموفقية ......
كال استاذ هذا الفراغ ما اعرف اجاوبه
=========
هاي اول سنة تعيين اليه جان عندي درس دزوا عليه الطالبات الي اني مرشدتهم متعاركات اثنين بالاول متوسط عفت الدرس ورحت يابه شكو جان وحدة تكول ترضين ست دننقل وتجي هاي تمسح السبورة وتكول الي تحجي اركعها بالقندرة (العفو )
انداريت ع طالبة كتلها صدك هذا الحجي جان هي تبجي وتناشغ لا ست والله العظيم(يكرم طاري الله) مكتلها بالقندرة كتلها بالحذاء
==========
بنتي صف ثاني العام معلمتها كلوش سمره ومحلوه خطيه كومي ثاني يوم جمعت مكياجي واخذته وياها بدون علمي دزو عليه الاداره سالتها ليش هيج جايبه مكياج وياج مو عيب كدام المديره ومعلمتها جان اتكول شسويلها ست رجاء عبالي احطلها مكياج وتطلع حلوه
===========
جيرانة معلمة بمنطقة ريفية دكول جاي اعلمهم تهجي فكايلتلهم ض ف كايلين ضف راجعة و د كايلين ضفد راجعة و ع صايحن عكروكةهههههههههههه وموقف لاخ بدرس الرياضيات كايلة المعلمة بنفس المدرسة ماما عدنة ١٠ طلاب غابو ٦ شنسوي قصدهة طرح كايم طالب كايللهة ست انطلعهم بلصطفاف
============
حاسبت طالبه صف اول متوسط مخليه مكياج كامل بس خفيف كولش فصيحت عليه بجت وكالت ست هاي ملامحي هيج وياهو اللي يشوفني يكولي خاله مكياج تنطيني كلينس هسه امسحلج صدك مسحته كولشي مطلع😳استحيت كولش منه وانقهرت المهم راحت للساحه ضميري حيل انبني كلت خطيه حجيت عليهه وبجت رحت ادور عليه ما أعرف اسمه شنو المهم ضليت ادور ادور لكيته بسته كتله حبيبتي اعتذر منج بس اني المصلحتج انتي بعدج صغيره وعبالي مخليه مكياج كالت لا ست عادي كوله هيج. دكولي وضحكت وراحت هنا اني ارتاحيت
وره فتره وأيام وأشهر طلعت هالبنت فعلا تخلي مكياج سحري بحيث مينمسح بالكلينس وطلعت تجيب وياه بالجنطه وتبيع للبنات وبلاوي بعد متنحجي.
===========
معلمة بنتي حاجيتلهم بالصف لحد يشتري جبس مو صحي مضر بالصحةو...الخ جان بنتي تكوللهة لعد انتي ليش تشربين جكارة مو هم مضر بالصحة 😁😁
موقف ثاني.. هم بنتي شايفة معلم يدرس صف اول كايلتلة هاي شنو بعدك اتدرس بالزعاطيط؟؟
===========
كانت عندي فطومه بصف اول دبدوبه وحلوه وشاطره من ادخل الصف تتقرب مني وتبين كل علامات لحب والدالال كدام التلميذات انا ابتسم وامسح على راسها واكلها اكعدي بمكانك الي هو لازم اول رحله يم الباب ليش مادري. اخذنا الاسبوع اللاول من الدوام كلما تدخللهم معلمه تجي تسالني ست شتصرين لفاطمه انا استغرب وارد ما الي علاقه بيها. وهكذا الى فد يوم تعاركت اجتني تبجي للاداره ست كومي اضربيها انت مو كرايبي. انا استغربت وكتلها انا كرايبج؟! شلون؟ كالت اي ست انت سمينه مثل بيبيتي
===========
اني اخذ اول ابتدائي المواقف هواي مره واحد طلع بدون اذن كتله عيب بعد متكررها ردلي الا اضربج جلاق. ومره عدنه سفره بالمدرسة طالب ابو كصاب كال ست راح اجيب باجه
===========
جان عندي طالبين حركين واجه مشرف كتلهم اذا شافكم هيج يطردني من المدرسه كالو شحده يطردج احنا نعلمه كعد بصفهم اخر رحله كلساع مدنين عليه ويردون يوكعوه،من شافهم هيج من طلع كال دير بالج منهم ذوله مو مريحين
===========
من كنت اداوم ابابو غريب كان طالب شرس ويتعارك ويأذي الجهال من اريد اعاقبه ايكوم يبجي ويحلف
وروح ابويه الشهيد مو اني فاعوفه انقهر عليه وكمت اساعده رأفه بيه يوم من الايام ضرب تلميذ ابقلم ودزيت على اهله اجه رجال لابس دشداشه فبالحجي كتله اني معاقبته الخاطر وضعه ولان ابو شهيد فكال الرجال يابه اني ابوه واني مو عسكري رجال فلاح كتله متاكد انت مو شهيد ههههه لزمته كتلته كتله كدام ابوه الشهيد من هاي غسل ولبس
============
ابني جان ثالث ابتدائي بوقتها امتحانات نصف السنه امه كاتله نفسها تقري وتراجعله اجه من الامتحان كال جاوبت كتله شلون يكولي سألتني ع فصل الربيع كتلها تتفتح بي ازهار وسالتني باي فصل مطر مجاوبها الصيف مطررررررر ورعيييييد اسمع امه من المطبخ تعيط يبوووووو لعد هاي المكيفات المن من بالصيف رعيد عود من يحجي مااخذه الحماس وعايش اللحظه
============
استاذ جبار مدير مدرسة في بغداد بعد التظاهرات جته رسالة من رقم مجهول مكتوب بيها (مت شهيد )
يكَول استاذ جبار آني ظليت اطگطگ واسبوع ماطالع الباب البيت وجبت حداد سوالي القفاله مال بيبان البيت كلهن وحتى موبايلي سديته وكَمت اروح للمدرسة ويه اثنين من كَرايبي مسلحين ؛
وچان يجيني طالب كَلي استاذ شو ماجاوبت عالرسالة
كَلتله ولك يارسالة ؟
كَلي استاذ الرسالة كتبتلك بيها (متى الشهايد)
==============
العام جنت كاعده بغرفة المعلمات بالفرصه
اجاني طالب عندي
كال ست شويه تعاي احجي وياج
كتله كول ماما
كال ست اليوم عازم جماعتي عالعشى تعاي ويانا
===================
هاي بعض المواقف المضحكة التي حدثت جمعناها لكم اذا عندك موقف مضحك اكتبه النه بالتعليقات
عزيزي المشاهد لا تترك الموضوع بدون تعليق وتذكر ان تعليقك يدل عليك فلا تقل الا خيرا :: كلمات قليلة تساعدنا على الاستمرار في خدمتكم ادارة الموقع ... ( مَا يَلْفِظُ مِنْ قَوْلٍ إِلا لَدَيْهِ رَقِيبٌ عَتِيدٌ )