اهلا بكم طلابنا الاعزاء ونحن مقبلين على امتحانات نصف السنة للعام الدراسي الحالي 2020 فحبيت في هذا الموضوع تقديم مجموعة من النصائح لطلاب السادس الاعدادي وايضا يكدر يستفاد منها طلاب المراحل الدراسية الاخرى
نصائح مهمة لامتحان نصف السنة 2020 طلاب السادس الاعدادي
 |
| نصائح مهمة لامتحان نصف السنة 2020 طلاب السادس الاعدادي |
السادس الاعدادي
اول شي تبدي بي بالسادس لاتستهزئ بأي ماده وتكول هاي خل اعوفه هسه مو مهمه او سهله حتلو الاسلاميه او اي ماده كل ماده وانطيه حقه لان الوزاري كلهن نفس الثقل كل ماده عليه درجة من 100 وكل المواد تقلل من المعدل مالتك انت اعتمد على نصف السنة لدراسة الوزاري مو لدخول الوزاري انت لازم اتخلي ابالك المعدل العالي فانت اصلا داخل وزاري لازم متفكر اشلون تدخل وزاري لان دخول الوزاري المفروض سهل بالنسبة الك الطالب الي ايريد ايطلع معدل لازم يشد حيله ونصف السنة خليها اشيل قراية نص المواد الدراسية فانت من تقرا لنصف السنة انت كملت نص المنهج مال المواد حته يسهل عليك بعدين تراجع وتقرأ .
الاهم جدا جدا اليومي هو اساسك بالسادس حتلو تكول عندي خصوصي وعندي مدرس زين اهم شي اليومي هو يفيدك لنهايه السنه لاتضيع وقتك وتكول باجر وغير يوم ابدي اقره يومي لا عيني بلش من البدايه حتى تتعود هيج صدك انت كدها والتحضير اليومي ايفيدك بتقسيم المادة احسن مما تقراها دفعه وحده وتحسها صعبه باليومي راح تقرا اجزاء المادة لحد ما تكمل كلها عندك واصير جاهزة
مصادر الدراسة خليها وحده مو 10 مصادر وكل ساعه تاخذ من مكان جدا مهم توحيد مصدر الدراسة لان اذا ماوحدت مصدرك من هسه بالاخير تخربط من البدايه اختار الملزمه او الكتاب الي يناسبك حسب قناعتك يعني شنو الي تفهم عليه وتشوفه افضل الك
لاتظل توكع بالغلط الي وكع بي الطلاب كل يوم ملزمه شكل لو دفتر لو كتاب شكل
لحد امتحان الوزاري هو كلساع شكل وحيشوف حتى اشياء جديده بغير ملزمه اذا غير وهيج راح تروح عليك السنه
وهسه نجي على افضل الطرق للدراسه والي هيه طريقك للـ ( 100 ) ان شاء الله هواي طلاب يقره عشر ساعات او 8 ساعات وبعدين كلشي ماكو بدون فايده
يسأل طالب ليش اني اكلك ليش هذه انت ماطبقت طرق دراستك الصحيحه
اول شي التركيز ماعندك ويومي ماعندك يعني متقره يوم بيومه بهاي الحالة ماكو اي فائدة من الدراسة والاهم يوم بيوم تقره وتحضير وترتب جدول الك للدراسة اهم شي جدول حته ميضيع عليك اليوم وانت كلشي مقاري متدري شوكت اتنام وشوكت تكعد وشوكت تقرا المادة او ترتاح او تاكل فالجدول لازم ينظم يومك بالكامل
اكو اكثر من طالب يسأل يكول شلون أقره الماده الحفظيه بدون مانساها
شوفوا طلاب أذا تقرا هيج ع السريع وبس تريد تخلص منه او بس تروح تأخذ استراحه راح تنساها راح اكولك شلون تحفظ المادة بعد ما تنساها :- أكو 3 شغلات تسويها وهي
الأولى : تفتح كتابك اطلع التحضير شوفه على شنو كاعد يحجي تشوف عنوان المواضيع الي موجوده بي شايف نشره الاخبار قبل لاتبدي يطلعون '' العنوان '' يعني المواضيع الي راح يحجوهه بالاخبار انته نفس الشي تشوف العناوين الرئيسيه مال التحظير
الثانيه : تقرأ الموضوع تكرار 3 مرات وتفتهمه على شنو كاعد يحجي شنو المضمون شنو الفكره مالته وبأيدك قلم وتاشر التعريف التعليل الفراغ السؤال الوزاري حته تفهم انت شكاعد اسوي
الثالثه : تقره الي اشرته وتحفظه ، مثلا اجيت تحفظ تعريف اكتبه بورقه مره مرتين وبعده ضل أقره بي بالكتاب وحاول تتخيل التعريف ومرات يحتاج الشخص يقرأ بصوت عالي حته يسمع نفسه فهذه طريقة تنفع مع البعض للفهم
واخيرا راح اضيف الك شغلة مهمة وهي من ﺗﻘﻨﻴﺎﺕ ﺍﻟﺤﻔﻆ ﺍﻟﻤﺘﻘﻦ ﻭ ﺍﻟﺘﺬﻛﺮ ﺍﻟﺴﺮﻳﻊ هاي راح اتفيدك جدا
1 - ﺍﻟﺜﻘﺔ ﺑﺎﻟﻨﻔﺲ : ﺍﺑﻘﻰ دائما ﺗﻜﺮﺭ ﻋﺒﺎﺭﺍﺕ ﻣﺤﻔﺰﺓ مثل : أﻧﺎ ﻗﺎﺩﺭ على ﻫذا الشيء ، ﺳﺎﻫﻞ للحفظ حتى تحفز ﺍﻟﻌﻘﻞ ﺍﻟﺒﺎﻃني لك وتزيح كل الوساوس والشكوك .
اذا الثقة بالنفس عامل مهم جدا فاذا كنت واثق من نفسك فلا تتأثر بالغير فهذا شيء جدا مهم بالنسبة لك عزيزي الطالب
2 - ﺍﻻﻫﺘﻤﺎﻡ ﻭ ﺍﻟﺤﻤﺎﺱ : ﻛﻴف تحمس ﺭأسك وذهنك ، ﺳهل ضع ﻧﻘﻄﺔ او ارسم ﻫﺪفا أمامك ﻭاعمل عليه ﻭاتركه يعمل ﻛﻮﻗﻮﺩ ﻣﺤﺮﻙ ﻟﻚ .
الاهتمام يكون بكل شيء الاهتمام بالنفس الاهتمام بالنظافة الاهتمام بالدراسة الاهتمام بالحفظ واكثر شيء تهتم به هو الحماسة والتفكير الجيد فبعد ان كنت واثق من نفسك الان قم بالاهتمام بجدولك اليومي واعطي نفسك طاقة ايجابية لان النقطة الثالثة مهمة لك
3 - ﺍﻟﺘﺨﻠﺺ ﻣﻦ ﺍﻟﺘﻮﺗﺮﺍﺕ ﺍﻟﻨﻔﺴﻴﺔ : ﻣﺜﻼ ﺍﻟﺨﻮﻑ ﻣﻦ ﻣﺎﺩﺓ وتجنب الاحباط والتسويف وتفريغ ﺭأﺳﻚ تماما ﻣﻦ ﻫذه ﺍلأﻓﻜﺎﺭ * ﺣﻔﺰ ﺭﺍﺳﻚ ﻭ ﻓﻜﺮ بإيجابية * عندما ﺗﺤﺲ ﺑﺮأﺳﻚ ﻣﺘﻮﺗﺮ راجع ﻣﺎﺩﺓ ﻋﺰﻳﺰﺓ ﻋﻠﻴﻚ لتزيد ﺍﻟﺜﻘﺔ بنفسك.
التوتر او ما يعرف بالفوبيا من الاشياء فالتوتر من الامتحان شيء غير صحيح لانه يحرمك من الاجابة وبالتالي الرسوب وعدم الاجابة فحاول التخلص من هذه العادة السيئة
4 - ﺍﻟﺘﻠﺨﻴﺺ : ﺍﻟﺘﻠﺨﻴﺺ يساعد للتذكر ﻭ عدم نسيان ما حفظته أو الاستعانة بالخرائط الذهنية والمخططات وحتى الرسم مفيد جدا وحل أكبر قدر من التمارين سيساعدك على ترسيخ المعلومة في ذهنك خاصة المواد العلمية كالرياضيات والفيزياء مثلا .
عندما تقوم بعمل تلخيص للمادة بنفسك تكون قد اكملت المادة بكاملها فالتلخيص او عمل المخطط للموضوع حته تفهم بداية الموضوع ونهاية الموضوع فهذا جدا مهم ورائع لكي تقوم به عزيزي الطالب
5 - ﺭﺑﻂ ﺍﻟﻤﻌﻠﻮﻣﺎﺕ ﺑﺎﻟﺨﻴﺎﻝ : ﺣﺎﻭﻝ رﺳﻢ ﻭﺗﺨﻴﻞ ذلك الشيء الذي تحفظه ﻋﻠﻰ ﺷﻜﻞ ﻗﺼﺔ أﻭ ﺻﻮﺭ ﺍﻭ أﺣﺪﺍﺙ ﻭﺍﻗﻌﻴﺔ لترسخه في دﻣﺎﻏﻚ ﻭ ﺗﺘذكره يوم الامتحان ...
كل المواد حته الجافة منها حاول قدر الامكان ربطها بالواقع او شيء ملموس حته تسطيع التذكر لان اغلب المواد عندما تربطها بشيء يمكن لك تخيله تكون اسرع للتذكر
هذه بضع نصائح أقدمها لأعزائي التلاميذ والتي أتمنى أن تفيدهم وتنفعهم في التحضير الجيد للامتحانات
عزيزي المشاهد لا تترك الموضوع بدون تعليق وتذكر ان تعليقك يدل عليك فلا تقل الا خيرا :: كلمات قليلة تساعدنا على الاستمرار في خدمتكم ادارة الموقع ... ( مَا يَلْفِظُ مِنْ قَوْلٍ إِلا لَدَيْهِ رَقِيبٌ عَتِيدٌ )