اسئلة الطلاب عن الامتحانات , اسئلة الطلاب عن القرار , قرار 10 درجات , تساؤلات الطلاب الان , اجوبه سؤال الطلاب
اهلا بكم متابعي موقع وقناة الاستاذ احمد مهدي شلال في هذا الموضوع سنعرض لكم شرح كامل عن
الاجابة على اكثر اسئلة متكررة لدى الطلاب بتاريخ اليوم الجمعة 26 / 6 / 2020 الاستاذ احمد مهدي شلال
لا تنسى زيارتنا باستمرار للحصول على كل شيء جديد ومميز معنا محبكم 💗 لاتنسون
عرضت الكم هذا الموضوع على شكل سؤال وجواب واتمنى تستفادون منه
السؤال والجواب
============
راسب بالاجتماعيات يمتحن دور ثاني
الجواب : نعم لان المواد المحذوفه لصف الثالث متوسط رجعت
------------
استاذ اني نص السنه ما ممتحن الفيزياء بسبب الفيروس وهم الاجغرافيه ما ممتحنين والنتائج لحد هسه ماكو شلون اتصرف
الجواب : لازم تروح تاخذ النتيحة مالتك من المدرسة هذا الاسبوع الجاي وتقره فيزياء وجغرافية لان داخله بالدور الثاني شد حيلك بطل
------------
الماخذ القرار القديم ينحسب عشره ثانيه لو لا
الجواب : نعم هاي 10 درجات جديده ما الها علاقة بدرجات الكورسات القديمه
------------
استاذ اني ثالث متوسط تنجمع درجات الفصل الاول وية نصف السنة لو لا
الجواب : لا ماكو هيج قرار
------------
استاذ هل يذهب الطالب إلى المدرسة ويشوف النتيجة النهائية مالتة لو لمن دققهة وزارة التربية يلة يذهب الطالب الى المدرسة ويأخذ النتيجة ارجو الرد بلا زحمه عليك
الجواب : يذهب للمدرسة بدون مينتظر التربية لان التربية فقط اخذت الدفاتر حته تحافظ عليها وتنزل الدرجات في سجلات التربية
------------
استاذ اذا هسه القرار ١٠ درجات مافدتني يعني يضل مثلنه اخذت ٤٠ بي ماده يضيفون
الجواب : اذا ما فادكم القرار بالدور الاول فهو راح يبقى رصيد الكم بالدور الثاني بس ننتظر تاكيد من التربية لان همه محددو هاي 10 درجات لاي دور
------------
.بخصوص الاجتماعيات والاسلامية للصف الثالث المتوسط نلغت لو بعده
الجواب : رجعت موجودة واذا التربية انطت قرار بالاسبوع القادم وحذفتهن من جديد اني انشر فيديو على اليوتيوب واتحدث بهذا الموضوع بس هسه كلشيء رجع المواد المحذوفها كلها رجعت
------------
استاذ الثالث متوسط المواد الي نحذفن يرجعن لو لا 2 لكل مادة عشر درجات لو لكل المواد عشر مواد
الجواب : نعم المواد الي نحذفت حاليا رجعت كلها وكل مادة 10 درجات وحدها يعني الاسلامية 10 العربي 10 الرياضيات 10 وهكذا لكل مادة 10 وحدها
------------
اتمنه اعرف مصير الصفوف الغير المنتهيه وشكرا
الجواب : الصفوف الغير منتهية الي هي خامس ابتدائي او اول متوسط ثاني متوسط او رابع اعدادي خامس اعدادي الي ناجح بالكورس الاول او نصف السنة يعتبر نفسه عابر وناجح واجتهم هسه 10 درجات قرار يستفاد طلاب الي عدهم ب 40 وفوك يكدر ينجح والباقين دور ثاني
------------
هل مادة الامتحان على الوزاري لو نص السنة يعني مثلا كيمياء احنة بل نص السنة اخذنة اربع فصوال اما الوزاري ستة يبقة على الوزاري لو نص السنة
الجواب : المفروض على نصف السنة مو على الوزاري يعني على تحديد المدرس مال المدرسة بس ننتظر تاكيد التربية خلال هاليومين ان شاء الله
------------
استاذ الي ناجحين بكل المواد ينطوهم عشر درجات لو لا
الجواب : لا فقط للراسب او المكمل الي درجه اقل من 50 ويستفاد من 10 درجات ينطوهم القرار
----------------
استاذ صح هذا الخبر اضافه 10 درجات للمراحل المنتهيه والغير منتهيه استاذ انه طالبه رابع علمي طلعت ناجحه فيعني 10درجات حتئ لو ناجحه او راسبه ايضيفوها لدرجاتي
الجواب : نعم صحيح وهاي 10 درجات وراح تنجحون مبارك لكم النجاح
----------------
الله يخليك فهمنه الحذف للاجتماعيات شالو لو يبقى واذا يبقى ينجمعون درجه التاريخ والجغرافيا والوطنيه لو شلون فدوه
الجواب : الحذف شالو هسه كل المواد رجعت مثل نصف السنة وراح تمتحن كل مادة وحد مثل نصف السنة اذا راسب بالتاريخ وناجح بالباقيات تمتحن فقط تاريخ وهكذا
----------------
استاذ سمعت قرارت للسادس جديده بيها الحلو وبيها المحلو گُلنه هايه القرارت صحيحه لو لا وصُدك نمتحن بالاسبوع امتحانين والله قرار حلو ويفيدنه
الجواب : ماكو قرار لصف السادس جديد لحد الان
----------------
استاذ اني رابع علمي بقت اربع امتحانات ما امتحناه من نصف السنه اريد افهم مصيرنا وشكرا ارجوك جاوبني
الجواب : التربية تحدثت انه انتو جماعة المحافظات الجنوبية الي بعدكم ممخلصين الامتحانات راح تتعامل وياكم تعامل خاص وقرارات خاصة الكم وراح تعلن عنها ان شاء الله هاليومين ننتظر قراراتكم
----------------
استاذ اني لگيت كاتبين النتائج على باب المدرسة يعني اسمي وكتبو يمه اكمال ب كيمياء ورياضيات وجغرافيه ومكاتبين الدرجات يعني اذا اروح للمدرسه الگاها مفتحه لو مغلقه بسبب الفايروس بلمناسبه اني صف ثالث متوسط اتمنى تجاوبني استاذ ارجوك جاوبني
الجواب : نعم ترحون للمدرسة الاحد وتاخذون الدرجات مالتكم اذا بالاربعيانات فبارك لكم النجاح لان مشمولين بقرار 10 درجات
----------------
استاد اتمنه ترد علئ سوالي الي هو: هل ستكون متحانات الثالث متوسط الدور الثاني الكتونيآ لو نمتحن بالمدارسواذا استمر الوضع شلون راح نمتحن بهاذ الوضع
الجواب : لحد الان الامتحان بالمدارس مو الكتروني اما اذا بقه الوضع الصحي متدهور فوكتها راح تكون اجراءات اخرى تختلف عن هاي واحنه نتفائل بالخير ان شاء الله
----------------
استاذ اني طالبه ثالث متوسط واني رسبت بنصف السنه بلتاريخ جبت بي 42 و القرار مال 10 درجات فهل اني ناجحه يعني
الجواب : نعم ناجحه مبارك الكم النجاح وهسه انتو طلاب رابع اعدادي
----------------
بالنسبة للثالث متوسط يعني :١٠ درجات على الكورس الاول و ١٠ درجات على نصف السنة.يعني يزودون الكورس الاول على نصف السنة ويقسمون الدرجه على 2 وتطلع الدرجه النهائية واذا لا بي يحسبون درجة نصف السنة لعد ليش ضافو ١٠ درجات على الكورس الاول؟
الجواب : الثالث متوسط ماعدهم كورسات وهاي 10 درجات للطلاب بنصف السنة انضافت لكل مادة وماكو تقسيم فقط راح يعتمدون على نصف السنة
----------------
استاذ انة السعي 20 وماخذة بلامتحان نصف السنة 19 يصير 39 يعني القرار مراح يفيدني هاي 10 درجات تبقى حته من امتحن دور ثاني يعني تبقى رصيد الي
الجواب : انتو الكورسات عدكم قرار قديم 10 درجات اذا ممستفاد منه فعندك 20 درجه قرار اما اذا ماخذ 10 كلها القديمه فهاي 10 الجديده راح تبقه عندك رصيد وننتظر تاكيد من التربية هل تبقه رصيد للطلاب ام لا
----------------
استاذ حنة ثالث متوسط مشمولين بلقرار شعر درجات
الجواب : نعم القرار واضح مشمولين طلاب الثالث متوسط
----------------
اني طالبه سادس ابتدائي و اريد اعرف اذا اني مشموله يعني اني درجاتي بالتسعينات هم راح ينطوني 10 درجات لو لا
الجواب : انتي ناجحه لذلك ممشموله بهذا القرار فقط للراسب والمكمل
-------------------
استاذ انه بل رياضيات ٤٤ وبل الإنكليزي ٤٥ انجح
الجواب : نعم ناجح مبارك لكم النجاح
-------------------
استاذ بس اذا ممكن موعد الامتحانات ايمت
الجواب : اذا سادس اعدادي بعدكم نفس الموعد والجدول اما اذا بقيه المراحل فماكو موعد واذا كنت طالب خارجي فماكو اي قرار الكم لحد الان
-------------------
استاذ عدي سوال الامتحانات 12/7 لو بغير وقت
الجواب : لا تغيرت بالنسبة للثالث متوسط والموعد الجديد بعده التربية محددته
-------------------
استاذ اني واكع بالفيزيا والاحياء والتاريخ بالفيزيا ماخذ 46 والتاريخ 38 والاحياء 46 فهل اعتبر ناجح او لا
الجواب : للاسف لا انت فقط ناجح بالفيزياء والاحياء لكن بالتاريخ دور ثاني
-------------------
استاذ اني واكع بال كيمياء وناجح بال فيزياء شنو مصيري و الوزارة قرر يكون المادتين ب امتحان واحد
الجواب : حسب القرار الاخير الدمج لغوه لذلك رجعت كل مادة وحدها فانت تمتحن كيمياء فقط
-------------------
استاذ ممكن المعاهد المفتوحه خريجي تالث المتوسط 2020
الجواب : اني موسي فيديو عن معاهد 2019 لكن ماعندي معلومات عن معاهد 2020 اذا صارت عندي معلومات اسوي فيديو ان شاء الله
-------------------
اني طالب مسائي وتقريبا وياي 200 طالب سجلنا بالمدرسة المسائية تقريبا نهاية شهر 1 او بداية الثاني.. ولحد هسه ما طلعت اسمائنا بالمدرسة واجا كتاب من الوزارة انه اللي ما مسجل من بداية العام الدراسي ما اله حق يمتحن وزاري.. فاحنا شنو ذنبنا بهذا الشي هي الأوضاع كانت سيئة وما سجلنا من البداية ..
الجواب : لازم راتجع ادارة المدرسة لان التربية تعتبركم حاليا طلاب غير منتظمين واي طالب ممنتظم بالدوام يعتبر راسب هاي السنة او اي طلاب ممتحن نصف السنة ومدرسته امتحنت نصف السنة يعتبر راسب اما المحافظات الجنوبية الي مكملت امتحان نصف السنة هذوله وحد لان بدو امتحانات لكن مكملو مو مثل الطالب الي مدرسته بدت امتحانات وهو اصلا مداوم
-------------------
استاذ يعني اكو بعض الدرجات حرجة 37/38/39 ارجوك ناشد بهل خصوص وهاذي الشي يقلل من الخطر على الطلاب وتقل الطلاب
الجواب : ان شاء الله خيرا ننتظر قرارات التربية الي راح تصدر هاي الايام ان شاء الله
-------------------
استاذ اني واكع ب٣ صف ثالث شملني قرار ل١٠ درجات وبقالي بس الرياضيات واني مادارس كلش استاذ فدوه ساعدني شوكت ابدي وشلون
الجواب : بلش اقرا تلحه ان شاء الله اني مسوي مراجعة نصف السنة رياضيات الثالث متوسط 3 ساعات تكدر تعتمد عليها وتنجح ان شاء الله شد حليلك هاي فرصة متتعوض حاول لا اضيعها من ايدك انت بطل وراح تنجح ان شاء الله
-------------------
استاذ شوكت امتحانات الدور الثاني للخامس اعدادي والثالث متوسط
الجواب : بشكل رسمي ماكو موعد لحد الان بس كل سنة الدور الثاني بشهر 9 بالنسبة للخامس اعدادي بس الثالث متوسط هسه ننتظر قرار التربية خلال هاي الايام ونشوف
-------------------
استاذ طالب النه بتأجيل امتحانات السادس اعدادي
الجواب : ان شاء الله نشوف الشيء الانسب الكم وناشد وياكم احنه معكم ان شاء الله قلبا وقالبا
-------------------
استاذ ..اني صف رابع علمي و بنصف السنة شالوني قرار ع الرياضيات 10 درجات و رسبت ب دروس غيرها..احب اعرف ، رح يشيلوني ب 10 درجات مرة ثانية
الجواب : هاي 10 درجات لكل مادة يعني من شالوك بالرياضيات انت عندك رصيد لكل مادة 10 اخرى ما الها علاقة ب 10 الرياضيات وهكذا راجع درجاتك وخلي ابالك لكل درس 10 درجات تمام
-------------------
هل راح ينطون 10 درجات في دور الثاني
الجواب حاليا احنه بعدنا بالدور الاول من يبدي الدور الثاني بوقتها ان شاء الله خير
-------------------
استاذ اني ناجح تاريخ وطنيه والجغرافيه راسب امتحن بيه الجغرافيه لْـۆ انجح بيه
الجواب : تمتحن جغرافية
-------------------
استاذ عندي مدرسه تنفي اي خبر تطي وزاره التربيه عشر درجات خاصه للصفوف الغير منتهيه اتمنه اترد وشسوي شنو الحل
الجواب : هاي 10 درجات البارحه الخميس التربية اعطتها وهي رسميه لذلك مراح تنفيها المدرسة مالتك
-------------------
استاذ رجعت الاجتماعيات والإسلامية لو لا ممكن اتجاوببب
الجواب : نعم رجعت كل المواد المحذوفه سابقا هسه رجعنا على نصف السنة وعدد موادها
-------------------
اني طالع بل انكليزي ورياضيات وعربي وفيزيا بس عندي بل انكليزي ٤٤ القرار يفيدني لو لا
الجواب : فقط بالانكليزي يفيدك القرار وتنجح
-------------------
أستاذ اني ناجح بس مشمول بالعشر درجات
الجواب : فقط الراسب والمكمل الي درجاته من 40 الى 49 يستفاد ومشمول بقرار العشر درجات
-------------------
الثالث نمتحن كل المواد ولا كل المواد الي راسب بيها ؟
الجواب : فقط المادة الي راسب بيها المواد الي ناجح بيها بنصف السنة اتعوفها بعد فقط المادة الي مناجح بيها تمتحن
-------------------
يعني ماكو خمس مواد للثالث كول المواد الي ما شملتة ال١٠ درجات يمتحن بي فدوه استاذ جاوب
الجواب : نعم كل المواد الي راسب بيها وما شملتك 10 درجات تمتحن بيها اما المواد الي ناجح بيها ماكو امتحان بيها فقط الي راسب بيهن
-------------------
استاذ اني ماخذ ٣٩ بل انكليزي وصارت٤٩ اكدر يصعدوني درجه
الجواب : اصلا انت ممشمول بالقرار ميصير انضيف 10 درجات وبعدين نشوف اشكد نحتاج لازم من اضيف القرار عشر درجات تنجح اما اذا متنجح بعد تحتاج درجات فانت غير مشمول بالقرار
-------------------
استاذ اني طالعه بمادتين رياضيات واحياء والرياضيات ماخذه بي 36 والاحياء 32 يعني على كل حال اني لازم امتحن الاثنين ' زين عادي ياخذون العشر درجات مالت الاحياء ويضيفوهن للرياضيات وهيج راح تصير عشرين درجه وراح انجح بالرياضيات وامتحن ماده وحده بس لاني كلش خايفه من الرياضيات مع اني درسته كله بالحرف بس اني كلش اخاف من هالماده
الجواب : لا ميصير هذا الشيء كل مادة 10 درجات ميصير ناخذ من غير مادة ونضيف على مادة اخرى
-------------------
استاذ راح تنجمع درجات الفصل الاول وية نصف السنة لو لا؟؟ اتي ثالث متوسط
الجواب : لا ماكو هيج شيء
-------------------
استاذ بس شحيصير بطلاب خارجي
الجواب : حاليا ماكو قرار لطلاب الخارجي لحد الان
-------------------
استاد الما ممتحن نصف السنه شلون يعني الحل هم يدخلونه يمتحن شهر9
الجواب : للاسف يعتبر غير منتظم بالدوام ويعتبر راسب هاي السنة يعني لازم يعيد واحتمال يعطون قرار التربية لكن حاليا يعتبر نفسه راسب وما اله حق يمتحن دور ثاني
-------------------
هل قرار العشر درجات لكل الطلاب او فقط للراسبين والمكملين؟
الجواب : فقط للطلاب الراسبين او المكملين الي يستفادون من القرار درجاتهم من 40 الى 49
-------------------
الكتب الي ما ممتحنيها نمتحنها لو لا الصف الثالث متوسط
الجواب : كل المواد الراسبين بيها تمتحنون
-------------------
اذا هسه احتاجيت ٣ درجات على ماده يصير ياخذ باقي الدرجات على ماده ثانيه مع قرار ١٠ يعني يصيرون ١٧ درجه
الجواب : للاسف لا ميصير هيج شيء بالنسبة لطلاب الثالث متوسط اما طلاب الكورسات فعدهم قرار قديم بوقت الامتحانات 10 درجات وهسه هاي 10 درجات جديده
-------------------
استاذ هسة الدفاتر مسحوبة يعني ميتسهلون على الدرجة الوحدة
الجواب : هسه فقط درجاتك بالسجل والدفاتر راحت يم التربية
-------------------
استاذ اخويه واكع بنص السنه ب 9 يمتحهنهن كلهن لو يعيد السنه
الجواب : نصيحه مني حاول خلي يقرا ويمتحن لان هاي السنة فرصة متتعوض لان راح يمتحن بالمدرسة والامتحان مو مادة الكتاب كلها فهواي اكو تسهيلات وعنده قرارات من التربية
-------------------
درجات الشفهي محسوبة
الجواب : الشفهي المدرس يضيفه مع الدرجه من علنو النتائج
-------------------
استاذ هما اطو ٥ درجات قبل وهسه ١٠درجات يعني صارت ١٥
الجواب : لا ماكو هي فقط 10 درجات انطوها هسه
-------------------
استاذ العشر درجات القديمة موجودة لولا مال نص السنة
الجواب : اذا طالب ثالث متوسط ماعندك 10 درجان بنصف السنة بس اذا مرحلة غير منهية اول ثاني رابع خامس فموجوده 10 درجات مال الكورس الاول اذا ممستفاد منها
-------------------
بس سوال اني رابع علمي عِنـ.̷̷̸̷̐ـديّ درجه36 وعندي بالقرار لاول 7درجات يعني ماخذه بس3درجات وهسه انطو 10ينحسبن 7درجات مال قرار لاول ويا ال10هاي لْـۆ لا
الجواب : نعم ينحسبن مع القرار القديم يعني هسه عدكم 17 درجة
-------------------
استاذ عزيزي انته اكو قرار انو امتحان مادتين بلسبوع
الجواب : لا ماكو قرار لحد الان انه كل اسبوع مادتين
-------------------
استاذ بالنسبه للفيزيا مدرسنا انطانا ٣ فصول امتحان بنص السنه والتربيه انطتنا ٦ فصول وماعرف شقره ٣ لو ٦ وشكرا لك
الجواب : المفروض حسب المدرس وننتظر تاكيد من التربية
-------------------
استاذ احمد اني طالب ثالث اكو مساعدة من قبل المدرسيين اكو عبور نشالله واني مكمل بل رياضيات ماخذ ٣١ بنصف السنه
الجواب : نعم ان شاء الله اكو مساعده فقط شد حيلك وساعد نفسك واقرا والمدرسين من يشوفوك بديت تقره واساعد نفسك همه يساعدوك وينجحوك
-------------------
استاذ انة نجحت من لثالث والحمد لله وشكربس محتار ادخل الكترون لو ادخل تمريض احنة عدنة بالبصر اعدادية التمريض للبنين يعني الولد.فمحتاج بس نصيحة من حضرتك. وشكرا
الجواب : مبارك لكم النجاح والتوفيق الدائم يا رب
اني نصيحتي انه تكملون اعدادي افضل لكن اذا اتحس نفسك ضعيف ومتكدر اتكمل اعدادي فادخل تمريض لكن التمريض يحتاج معدل ب 70 او ب 60 لازم تروح تستفسر من اعدادية التمريض وتعرف شنو شروطهم
-------------------
استاذ اجه قرار ١٠ درجات اني ماخذ بل رياضيات ٣٩ وعندي ٦ درجات قرار باقيه اني انجح لو لا
الجواب : اذا مرحلة غير منتهية نعم ناجح
-------------------
استاذ مينشرون نتائج الثالث مال نصف السنه احنة منطونة النتائج ومنعرف ناجيحين راسبين
الجواب : تروح للمدرسة وتحصل النتائج
-------------------
استاذ صدك لكل درس 10 واني طالع ب7 ثلاث دروس درجاتي بل٤٠ وأربعة ب٢٠ من ضمنهن التاريخ امتحن بل تاريخ لو لا اتمنا اجاوبني
الجواب : نعم صدك ، الي ب 40 تنجحون والباقيت الاقل دور ثاني
-------------------
اني صف ثالث متوسط مكمله ماخذه بالنكليزي 41 يعني ناجحه
الجواب : نعم الف مبارك النجاح
-------------------
استاذ اني طالع بل اسلاميه 49 و انلكيزي 42 واحياء 42 ورياضيات 37 وكيمياء 38 بعد قرار 10درجات انجح لو اطلع درس واني صف ثالث متوسط
الجواب : الدرجات الي بالاربعين ناجحين والحمد لله بقت 37 و درجه 38 دور ثاني
-------------------
استاذ الجدول نفسه مال ثالث متوسط لو تغير
الجواب : راح يتغير وايضا راح اتكون الامتحانات بالمدارس
-------------------
استاذ اني بالنگليزي ٤٦والتاريخ ٤٤والفيزيه ٤٧ اني ثالث متوسط يشملني القرار
الجواب : نعم يشملكم القرار مبارك لكم النجاح
-------------------
سلام عليكم استاذ سؤالي اختيار العلمي ولادبي من ثالث متوسط لو من الرابع اعدادي وشلون نختار وشكرا
الجواب : من صف الرابع تختارون علمي لو ادبي ومن تبدون دوام راح تخيركم الادارة شنو تريدون علمي لو ادبي ويسلون اسمائكم وها هيه
-------------------
استاذ اكو تغير بمنهج السادس ٢٠٢١
الجواب : اذا سادس ابتدائي فاحتمال 90 بالمئة يتغير كتاب الرياضيات اما السادس الاعدادي ماكو اي تغيير
-------------------
انا متبقي إلي من القرار ٩ درجات وهسه اجت ١٠ درجات أخرى ودرجتي ٣٩ مع العلم بالرابع اعدادي هل راح تنضافلي التسع درجات السابقةرد
الجواب : نعم تنضاف
-------------------
وين اشوف درجاتي؟وهل الدفاتر الامتحانيه عند الوزاره؟اني من البصره
الجواب : الدرجات بالمدرسة موجوده ، والدفاتر نعم التربية سحبتها من المدارس
============
مهم لك عزيزي الزائر الكريم شرفتنا ونحب تواجدك معنا
قنوات ومواقع التواصل الاجتماعي الرسمية للاستاذ احمد مهدي شلال تابعنا باي مكان تريد حيث المصداقية والحقيقة في النشر اولا باول وهذه هي المواقع الرسمية اختر ما تريد
القناة الرسمية على اليوتيوب أضغط هنا
الموقع الرسمي على الانترنت أضغط هنا
الصفحة الرسمية على موقع الانستكرام أضغط هنا
القناة على التلكرام أضغط هنا
صفحة الفيس بوك الرسمية أضغط هنا
تابعنا على تويتر أضغط هنا
كروب الاستاذ احمد على الفيس بوك الرسمي التعليمي أضغط هنا
قناة الالعاب أضغط هنا
============
اذا كنت حاب تدعم الاستاذ احمد مهدي ماديا من داخل العراق وماعندك حساب باي بال او بطاقة مصرفية تكدر تدعمنا بتحويل رصيد حته لو بـ 1 الف دينار راح تسوي فضل كبير بتطوير القناة
الارقام هي
07711825892
07500127205
07824362700
دعمك النا هو سر استمرارنا شكرا لكل شخص قدم الدعم
---------------------------------
طريقة تحويل الرصيد بالاسياسيل
اتصل على *222* او اتصل على *123* المبلغ المراد تحويله * رقم الهاتف المرسل اليه الرصيد # ثم اتصال
---------------------------------
طريقة تحويل الرصيد بالعراقنا ( زين )
ارسالة رسالة الى 21112 تحتوي على الرقم المطلوب تحويل الرصيد اليه ثم فراغ المبلغ المراد تحويله ثم ارسال
---------------------------------
طريقة تحويل الرصيد بالكورك
اتصل على *215* الرقم المطلوب تحويل الرصيد اليه * المبلغ الذي ترغب بتحويله # اتصال ثم تاكيد
واذا كان عندك حساب وتريد تدعمنا هذا رابط الدعم على البايبال أضغط هنا
--------------------------------
التعريف بالموقع : هذا الموقع تابع للاستاذ احمد مهدي شلال بشكل رسمي وكل ما ينشر في الموقع يخضع للمراقبة وموقع الاستاذ احمد غير مسؤول عن التعليقات على المواضيع كل شخص مسؤول عن نفسه عند كتابة التعليق بحيث لا يتحمل موقع الاستاذ احمد مهدي اي مسؤولية قانونية حيال ذلك
==========
ملاحظة مهمة : لاتنسى دائما ان للاستاذ احمد مهدي شلال قناة رسمية على موقع اليوتيوب باسم ( احمد مهدي شلال عباس المهداوي ) حيث اقوم بنشر شروحات دروس الرياضيات لكافة المراحل الدراسية مرحلة الابتدائي ( اول ابتدائي وثاني ابتدائي وثالث ابتدائي ورابع ابتدائي وخامس ابتدائي ) ومرحلة المتوسطة ( اول متوسط وثاني متوسط وثالث متوسط ) ومرحلة الاعدادية ( رابع اعدادي وخامس ادبي وخامس علمي وسادس ادبي وسادس علمي احيائي وسادس علمي تطبيقي ) كلها تجدوها في قناتي الرسمية وايضا لدي قناة ثانية رسمية على موقع اليوتيوب باسم ( احمد مهدي Gaming ) مهتم بهذه القناة بمجتمع يختلف عن القناة الاولى في هذه القناة اقوم بنشر الالعاب الالكترونية بكل انواعها اسعى لزرع البسمة في وجوهكم وتغيير جو الدراسة