أقسام الوصول السريع ( مربع البحث )

قصة المحامي مع مريم عمرها ١٤سنه

قصة المحامي مع مريم عمرها ١٤ سنه 

السلام عليكم 
اهلا بكم متابعي موقع احمد مهدي شلال من كل مكان مرحبا واهلا وسهلا بكم نورتونا وشرفتونا بزيارتكم الموقع 
نحن سعداء جدا بتواجدكم معنا هنا وموضوعنا اليوم هو 

قصة المحامي مع مريم عمرها ١٤سنه 



قصة المحامي مع مريم عمرها ١٤سنه 





لا تنسى دائما زيارة الموقع للاستفادة من المواضيع الجديدة 
زيارتك وتواجدك معنا مفرح لنا جدا 
سنقوم دائما بنشر ماهو مفيد لك عزيزي الزائر 



اني مريم راح احجيلكم قصتي اني عمري ١٤سنه واشتغل بائعة الماء واجول حول المناطق والسيارات وابحث عن لقمة العيش لاساعد امي وابويه 

امي طريحة الفراش وابويه سوا حادث ونكصت رجليه فهسه مقعد واني وحيدة اهلي فجنت اني اساعدهم بلكمة العيش وجنت اطلع يوميه من ساعة ٥ صبح وانتو تعرفون البنيه من تشتغل بشارع وهيه بهيج عمر كلش صعبه فجنت دائمن اخذ ابويه بلعربانه واطلع ودائمن يتحرشون بيه وابويه ميكدر يساعدني بس يحظني ويبجي 

المهم كظيت اكثر اوقاتي من ٥ صبح لحد ٧ بليل اني بشارع ابيع مي والحمد الله وشكر لمديت ايدي الاحد ولا بكت صح الظروف كلش صعبه بس الحمد الله وشكر كاعدين بيت من جينكو والناس دائمن ساعدنه اجيبنه اكل 

ولبسي كله علعالم ماعندي ملابس يوم من الايام طلعت من صبح وجانت حاره بتموز وكلش تعبانه وبوكتهة وغم عليه بس صيطرت عله نفسي ومن رجعت للبيت واني امشي خطوه بخطوه وكلما اتقرب من البيت رجليه تثكل وادعي يارب ساعدني المهم وصلت للبيت لكيت ابويه يبجي وحده بطرمه يبجي ويصيح ولج كومي لتعوفينه اني وبتج دخلت عله امي ركض كمت ابجي واعيط يوم لتعوفيني بس للاسف امي عافتني وحدي بهاي الدنيا 

احجيلكم شويه عن امي امي مريظه من هيه طفله عدهة فتحه بلقلب ومن هيه صغيره سوولهة عمليه ومنجحت وكبرت وزوجت ابويه رجال فقير بس حبته وكلتله اعيش وياك علحلوا والمرا وابد مكذبت امي ومعافته الابويه وشكد شافت ظيم وقهر من اهل ابويه ومشاكل وعركات وطلايب اخر شي ابويه بزع وطلع وبنه بيت من طين وظل يشتغل لحد ماالله رزقه وبنه بيت غرفه وحمام وهول ومطبخ علكد فلوسه وبهاي الاثناء امي هواي تنام مستشفيات وادويتهة غاليه وجان موزين عليهة الحمل لين بلجيابه تتعب بس الله راد واني جيت للدنيه وامي تعبت بزايد 

ومن ناحية اهل امي تبرو منهة لين زوجت ابويه لين مجانو قابلين لين فقير وجدو جان كلش غني وعده اموال وبيوت بس همه خيروهة بينهم وبين ابويه وهيه ختارت ابويه لين كلش جانت تحبه وتموت عليه المهم اجوي الجوارين ودفنو امي وامي من راحت كلشي راح وياهة صح جانت اربع وعشرين ساعه بلفراش مقعده بس ريحتهة وصوتهة بلبيت كافي المهم ابويه من ماتت امي قرر يرجع ويه اهله لين بقينه بس اني ويااا فقرر يرجع 

المهم اهل ابويه مستقبلو وكلوله معلينه بيك بس ابوي لح وكلوله تاخذ الصطح المهم اني من بطالة المي اللي بعتهن جمعت كم فلس والعالم اللي تنطيني طلعتهن جنت ظامتهن بقاصه وطيتهن لبويه والعالم الخيره ساعدتنه وبنينه غرفه وحمام بصطح وكعدنه اني وابويه بيهة المهم غيرت شغلتي جوارينه مره خيره جابتلي مكينة خياطه وعلمتني علخياطه وعفت الشارع كمت شويه شويه صار عندي زبائن والحمد الله طور شغلي وصار عندي خير من الله ومرات هم اخيط للناس الفقره بلاش وهم طورت شغلي وكمت اخبز وابيع خبز صار الشغل شغلين والحمد الله 

ابويه جان فخور بيه وكمت اني ادااري ابويه وابويه كلش يحبني ومداريني بس بيت جدي ابد ميحبوني لا اني ولا ابويه جانت تجي عمتي يوميه من صبح تكعدني انظفلهم واسويلهم غده واصعد بصطح كامو يحاربوني وحته عله رزقي من اللي جمعتهن اجرنه بيت صغير وعشنه بي اني وابويه واني كمت ادفع الايجار وشويه شغلي كثر صح بلبدايه تئذيت لين ممعروفه بس الحمد الله كامو يجون زبائن اللي اخبز من ٨ صبح ١٢ وهذا كله ابيعه واسوي غده وانظف واكعد علمكينه ساعه ٤ اظل لليل وانام وعله هروتين 

والحمد الله كلش مرتاحه بشغلي يوم من الايام جتني مره شافتني عجبتهة وسئلتني عله حياتي وحجيتلهة كلشي بتفصيل المهم هيه كلش حبتني ونقهرت عليه فجانت يويمه تجيني كل يوم وتشتري مني خبز واخيطله جانت كلش تحب شغلي ودكلي اتي نظيفه فتحب شغلي وخبزي 

يوم من الايام فاتحتني بموظوع كلتلي اريد اجي اخطبج توافقين اني كتلهة لا ابويه مااكدر اعوفه كلتلي وافقي ومعليج اتي وابوج انخليج فوك روسنه المهم طرحت الفكره الابويه وكتله كلشي كلي بنتي زوجي معليج بيه كتله اظل بله زواج ومااعوفك المهم ثاني يوم جتني هاي المريه هيه ولد شاب ماشاء الله علي يخبل جمال وطول وهيبه طبو قدمتلهم عصير رحت لبست دشداشه مرتبه وكعدت المهم سلمو وكعدو وفاتحوو ابويه بلموظوع ابويه وافق بس اني رفظت لين ابويه مااكدر اخلي وحده المهم الولد كلي اتي وابوج اخليج بطن عيني المهم اني الولد عجبني مو اكللكم حبيته لا بس حسيته الولد حباب ويخاف الله المهم اتفقو همه وابويه واسبوع واجوي قرو الفاتحه صح جنت فرحانه لين حيجي الشخص اللي حيشيل عني الهم والتعب بس بنفس الوقت جنت كلش حزينه عله ماما تمنيتهة بهاي اللحظه بس الحمد الله والله يرحمهة 

قبل ليجون يقرون الفاتحه جتي المره جابت الابويه دشداشه تخبل واني جابتلي فستان وشال وتكرمون حذاء وعطر ومكياج وودتني عله وحده حفتلي اني مقبلت بس كلتلي اتي مثل بنتي حصيرين وابوج اخويه حلوا واحد يساعد الاخ المهم قبلت وجنت كلش فرحانه واول مره بحياتي حفرح بس احس اكو نقص بس الحمد الله المهم ثاني يوم لبست الفستان لونه بيجي وشال وخليت مكياج كلش فاتح طلعت اخبل واول مرا احس بنفسي وانوثتني جنت طالعه كلش حلوة المهم حظرت وكملت وابويه تحظر ولبس دشداشته وعطرته وبخرت البيت دكو الباب اول ما انتبه للولد بس صدك كلش حبيته بس ماابينهة ابيع شويه ثكل هههه بس يخبل طالع لابس دشداشه بس شنو يجنن المهم سلمو وطبو من قرينه الفاتحه ظل يباوع عليه ابد منزل عينه مني وطلع هديه جابلي تلفون كلي علمود احجي وياج كتله اني مااعرف استخدمه كلي تعاي اني اعلمج وعلمني عليه بهاي الاثناء لزم ايدي اووف قلبي راد يوكع اول مرا واحد يلزمني واحس احساس كلش غريب 

المهم ظلينه يوميه نتخابر وعرفني عن نفسه واني هم هوا الولد خريج محاماه وحجالي قصة حياته جان يحب وحده كلش متعلق بيهة بس البنيه عافته وحبت واحد غيره وزوجت المهم كلي اني كلش حبيتج من حجي امي واتي مبينه حبابه وخلوقه ومؤدبه واني كلش حبيتج واني هم كتله اته اول حب بحياتي الله شاهد عليه  المهم كلش تعلقت بي وهوا هم بس خلاني اعوف الشغل وكلي اني عندي مكتب اريدج تجين يمي تشتغلين سكرتيره المهم وافقت وشتغلنه سوا وظليت ويا وابويه ابد ماتركته وره اشهر حدد موعد الزواج واحلا شي بحياتي صار هوا هذا الليوم فاجئني كلي بعد تعيشون ويانه اتي وابوج  اني رفظت وابويه هم رفض بس جان مصر انو يجيبنه ويا علمود امه 

ابويه مجان قابل يكول عيب ومن هسوالف بس احنه مجنه نعرف انو هوا اهله تاركي بلملجئ وهوا عمره ٤ سنوات وهاي مو امه هاي مربيته لان مجانت تخلف ومن اخذته دارته وربته وعله كصته جابت ولد ثنين وبنات ثلاثه وهوا ظل وياهم عايش بس هوا الجبير المهم ربته احسن تربيه وجزاهة الف خير وخلته يدرس وجانت دكله شهاتك سلاحك وفعلا درس وكمل وتخرج وصار محامي معروف وفتح مكتب وحده وبنه بيت من فلوسه بس مجان كاعد بي بنا واثثه وخلاه اتفق ويه امه من يزوج يعيش بي 

المهم اقتنعنه اني وابويه انو نعيش ويا وكله لبويه اني ابنك وهاي بتك اني فاقد الاب والام اريد اته صير ابويه وامي تبقه احبهة هيه اللي ربتني وتعبت عليه وخلتني اتخرج المهم تجون تعيشون وياي وامي ترجع لاخواني كلش فرحت اني وحدد موعد الزواج وسوالي عرس يخبل وجاب مربيه الابويه داري وسافرنا اني ويا شهر العسل بتركيا وعوضني عن كلشي نحرمت منه وعدني انو يعوظني عله كلشي واني هم وعته اصيرله الزوجه الصالحه والمطيعه واصيرله الام والاب وكلشي بحياته والف الحمد الله وشكر خلاني اكمل دراسه 

امتحنت خارجي ونجحت ودخلت كليه وجبت درجات عاليه دخلت طب وصرت طبيبة اسنان مشهوره وكل هذا بفضل رب العالمين ودعاء ابويه وهوا وره سنتين حبلت وجبت احلا بنوته من عنده وسميناهة نور عله اسم امي وجانت ايه من الجمال تشبه ابوهة حبيبتي



الكاتب : طيبه


======================


تحياتي لكم
ادارة موقع الاستاذ احمد مهدي شلال
وتمنياتي لكم بالموفقيه والنجاح وبلوغ اعلى المراتب
شكرا لكم لمتابعه المنشور الى النهايه
🔸▬▬▬▬▬▬▬▬▬▬▬▬▬🔸
التعريف بالموقع : 
هذا الموقع تابع لادارة احمد مهدي شلال بشكل رسمي وكل ما ينشر في الموقع يخضع للمراقبة والموقع غير مسؤول عن التعليقات على المواضيع كل شخص مسؤول عن نفسه عند كتابة التعليق بحيث لا يتحمل الموقع اي مسؤولية قانونية حيال ذلك




حجم الخط
+
16
-
تباعد السطور
+
2
-