الانتساب لطلاب المدارس قرار الانتساب 2022 توضيح مهم لكل طالب شنو هو نظام الانتساب بالتفصيل شروط الانتساب من المشمول بالانتساب
اهلا بكم متابعي موقع وقناة الاستاذ احمد مهدي شلال في هذا الموضوع سنعرض لكم شرح كامل عن
توضيح مهم لكل طالب شنو هو نظام الانتساب بالتفصيل اعداد سالم ال منصور
لا تنسى زيارتنا باستمرار للحصول على كل شيء جديد ومميز معنا محبكم لاتنسون احبكم
بهذا الموضوع راح نتحدث عن ايجابيات نظام الانتساب
سلبيات نظام الانتساب - شروط الانتساب مهم الك لازم تنتبه - واخيرا نصحيه مهمة
بصورة مبسطة الانتساب هو لكل الاهل الي يرغبون بتدريس اولادهم في المنزل دون الذهاب للمدرسة وبامكان الطلبة متابعة دروسهم في المنزل عبر المنصات الالكترونية المختلفة فقط شرط حضورهم لامتحان نصف السنة نهاية الكورس الاول واخر السنة نهاية الكورس الثاني اذا كان مرحلة غير منتهية اما المراحل المنتهية هسه راح نحجي عنها بس نفس الشيء هم يبقه بالبيت
شنو هو نظام الانتساب
الإنتسـاب : معناهُ أنُ الطالب يكعُد بالبيت ومَيروح للمَدرسـة و مَا يداوم،ويعتمد أعتمـاد كلـي عَلى نفسـة،هوَ يصير الطالب والمُدرس،من ناحيـة الألتزام وكلشيء،طبعاً المطلوب فقط من طالب الإنتسـاب أنُ يروح يأدي أمتحانات نُـصف السنـة والإمتحانات النهائيـة (الوزاريـة). وأكيد مطلوب منك أنُ تنجح عَ الأقـل بـ5 أو 4 مـواد حتى تتأهـل للإمتحان الوزاري!.
ايجابيات نظام الانتساب
أيجابيات الإنتسـاب :
1- يوفـر وقـت الروحـة والرجعـة من المدرسَـة.
2- شوكت مَتريـد تدرُس بالوقـت إللـي يعجبك،إذا كان نظامك صَباحـي أو ليلـي،هَالشيء راح ترتاح إلـة.
3- إذا كنت طالب يـوتيوب راح تدرُس ع المُدرس إللـي يعجبك,أو إذا كنت طالب خصوصـي راح تستمر ويا الأساتذة إللـي متعود عليهُـم.
سلبيات نظام الانتساب
سلبيات الإنتسـاب:
1- حَتكون أنتَ مسؤول عَلى نفسك من ناحيـة الإمتحانات والتحاضـير والإلتزام (هالشيء مو كل الطُلاب تكدرلـة!).
2- ماكو إحـد عَ راسـك لا أمتحانات شهريـة ولا يوميـة الإعتماد راح يكون كلياً على الطالب نفسـة!.
3- مُمكن تمـل وواهسك يخـرب وتبقى تسخت هوايَ!.
شروط الانتساب
الصورة التالية توضح هاي العناوين
لازم تنتبه وايضا نصحيه الك
ملاحظة مهمة
يفيدنـي الإنتسـاب؟!.
-يفيد طالب الخصوصـي واليـوت بأعتبارهُـم أتعودوا عَ أساتذتهُم ومن أشهُـر ديدرُسون وياهُـم،فَـ مَيحتاجون يرحون للمدرسـة ويضيع وقتهُـم،
أما إذا أنتَ طالب بعدك مَ مبلش لا خصوصـي ولا يـوت،فَـ المدرسـة حَ تڪون الحل الأفضـل ألك!.
أسوي أنتسـاب أو لاء؟!.
-طبعاً هالشيء الطالب نفسـة يحددة!،إذا ڪان يڪدر يعتمد عَ نفسـة ويلتزم ومَ يسخـت حَ يڪون الإنتسـاب مُناسب إلـة،إما إذا الطالب مَ متأڪد من نفسـة فَـ الأفضل أنُ يداوم ويلتزم ويَّ المدرسـة.
إذا سويت إنتـساب مَ أڪدر أطلع مُعدل؟!
-طبعاً ڪُلش هوايَّ شفـت طُلاب ديڪولون أنا سويت أنتسـاب وتندمت وهياتنـي مَطلعت مُعدل وحَعيد سنـة!،يعني أڪيد هنا الخلل حَيڪون من الطالب نفسـة هوَ ڪان مَ حاب الدوام وسوا أنتسـاب وبقىٰ يسخت يسخت ومَ ألتزم!،فَـ أڪيد هنا حَيعيد يعني من ويـن مثلاً يجيك المُعدل إذا أنت مَدرست ومَ عرفـت تتلزم وتعتمد عَ نفسك؟!!،أڪيد هنا الطالب حَ يفشـل وحَيڪول أي لإنُ سويـت أنتساب مَطلعت مُعدل؟!ويبدأ ينصح ويسوي براس الطُلاب!!،لاء مو هيج الانتسـاب نظام حلو وللطالب إللـي يلتزم من صدُك ومتأڪد من نفسـة!.
نصيحة لك كطالب او ولي امر
شـلون مُمڪن أعتمد عَ نفسـي؟!.
-هالشيء يعتمـد عَ الطالب وحُرصَة،أكو هوايَّ قنـوات عَالتلـي تكدر تلتـزم وياهُـم أمتحانات وهـيچ،وبوتـات هَم أكو كلش هوايَّ ومرتبيـن،أكو بـوت نيوتن وبوت مُصطفى الهيتي،هذولـي كلش مرتبيـن،تكدر بعد متخلص كل فصل تروح للبوتات وتمتحن نفسك،
أهم أهم أهم شيء :هـيَ الإمتحانات حرفياً شكد متكدرون أختبروا نفسڪُم.
نصيحـة: إذا كنت طالب حريـص ومُلتزم،ودتشوف المدرسـة دا تاخُـذ من وقتك،فَـ أكيد الإنتسـاب حَيكون أفـضل ألك،،أما إذا كنت طالب مَيگدر يعتمـد ع نفسـة ومَيلتزم فَـ الدوام أفضـل والألتزام ويَّ المدرسـة.
بالنهايـة هَالشيء يرجـع للطالب ومدى أمكانيتـة وألتزامـة حَيكون مسؤول عَ نفسـة،وحَتتحمـل كل الإشيـاء إللـي تصيرلك ولازم تتجاوزها،وأياً كانت النتيجـة حَتكون أنتَ مسؤول عنهـا.
فكروا زيـن بـ الموضوع لَتتسرعون،لترحون للمدرسـة أسبوع وشوفـوا نفسڪُم إذا كدرتـوا تلتزمـون أو لاء،وبعدها قرروا.
أخيراً أعيـد وأكررها للمـرا الألـف الإنتسـاب يحتاج طالب "مُنضبط+مُلتزم+حريص".
تـوضيـــح هـــام على نظام الانتساب ، قبل ما تقدم على الانتساب يجب عليك قراءة الاتي
الانتساب : نظام دراسي منزلي عملت بهِ وزارة التربية في السنوات الاخيرة ، وهو نظام اختياري ، وليس اجباري على الطالب "
الانتساب بالعامية : يعني انت تقدم انتساب وتروح بالبيت تدرس تجي فقط تمتحن امتحانات نصف السنة ودرجات نصف السنة هي السعي السنوي مالك ، يعني تتعامل حالك حال طالب اللي يداوم بالمدرسة من حيث القرارات الصادرة من وزارة التربية "
شنو ايجابيات الانتساب ؟؟ الايجابيات تختصر وقت الدوام بالمدرسة لانك ماراح اداوم مدرسة وهذا يوفرلك وقت أكثر للدراسة وخصوصا للي داخل خصوصي "
سلبيات الانتساب ؟؟ انت راح تمتحن امتحان واحد وهو فقط نصف السنة يعني فرصة واحدة اذا وكعت بدروس ماراح تكدر تعدل درجاتك وخصوصا للصفوف المنتهية "
فنصيحة : اذا كان مستواك ضعيف وتعرف بنفسك ما تنجح بنصف السنة لا تقدم انتساب وبالاخص الصفوف المنتهية ، "
انتهى الموضوع
مهم لك عزيزي الزائر الكريم شرفتنا ونحب تواجدك معنا
قنوات ومواقع التواصل الاجتماعي الرسمية للاستاذ احمد مهدي شلال تابعنا باي مكان تريد حيث المصداقية والحقيقة في النشر اولا باول وهذه هي المواقع الرسمية اختر ما تريد
القناة الرسمية على اليوتيوب أضغط هنا
الموقع الرسمي على الانترنت أضغط هنا
الصفحة الرسمية على موقع الانستكرام أضغط هنا
القناة على التلكرام أضغط هنا
صفحة الفيس بوك الرسمية أضغط هنا
تابعنا على تويتر أضغط هنا
كروب الاستاذ احمد على الفيس بوك الرسمي التعليمي أضغط هنا
قناة الالعاب أضغط هنا
--------------------------------
التعريف بالموقع : هذا الموقع تابع للاستاذ احمد مهدي شلال بشكل رسمي وكل ما ينشر في الموقع يخضع للمراقبة وموقع الاستاذ احمد غير مسؤول عن التعليقات على المواضيع كل شخص مسؤول عن نفسه عند كتابة التعليق بحيث لا يتحمل موقع الاستاذ احمد مهدي اي مسؤولية قانونية حيال ذلك
==========
ملاحظة مهمة : لاتنسى دائما ان للاستاذ احمد مهدي شلال قناة رسمية على موقع اليوتيوب باسم ( احمد مهدي شلال عباس المهداوي ) حيث اقوم بنشر شروحات دروس الرياضيات لكافة المراحل الدراسية مرحلة الابتدائي ( اول ابتدائي وثاني ابتدائي وثالث ابتدائي ورابع ابتدائي وخامس ابتدائي ) ومرحلة المتوسطة ( اول متوسط وثاني متوسط وثالث متوسط ) ومرحلة الاعدادية ( رابع اعدادي وخامس ادبي وخامس علمي وسادس ادبي وسادس علمي احيائي وسادس علمي تطبيقي ) كلها تجدوها في قناتي الرسمية وايضا لدي قناة ثانية رسمية على موقع اليوتيوب باسم ( احمد مهدي Gaming ) مهتم بهذه القناة بمجتمع يختلف عن القناة الاولى في هذه القناة اقوم بنشر الالعاب الالكترونية بكل انواعها اسعى لزرع البسمة في وجوهكم وتغيير جو الدراسة