كل ما يخص التقديم على الخارجي للعام الدراسي الجديد موعد التقديم والامتحان الشروط المستمسكات المطلوبة العمر وسؤال وجواب

كل ما يخص التقديم على الخارجي للعام الدراسي الجديد موعد التقديم والامتحان الشروط المستمسكات المطلوبة العمر وسؤال وجواب تقديم امتحان الخارجي سادس ابتدائي ثالث متوسط سادس اعدادي ضوابط وموعد التقديم على الامتحانات الخارجية العام الدراسي الجديد وزارة التربية العراقية , الية التقديم ، الخارجي الامتحانات الخارجية , خارجي تربية , ابتدائية اعدادية متوسطة , سادس , ثالث متوسط , سعر , شروط , مبلغ , كيفية , شلون , العمر , المستمسكات , مكان التقديم


اهلا بكم متابعي موقع وقناة الاستاذ احمد مهدي شلال في هذا الموضوع سنعرض لكم شرح كامل عن 

هام التقديم على الخارجي للعام الدراسي الجديد 

التقديم على الخارجي للعام الدراسي الجديد


لا تنسى زيارتنا باستمرار للحصول على كل شيء جديد ومميز معنا محبكم 💗 لاتنسون احبكم


بهذا الموضوع راح نتحدث عن كل شيء خاص بالامتحان الخارجي واكثر الاسئلة الي يريد يعرفها الناس والطلاب وهذا الموضوع هو شامل للمراحل الابتدائي والمتوسط والاعدادي وايضا لجميع الدراسات 

ملاحظة : بالنسبة للعام الدراسي الجديد كل عام تقريبا يبدا التقديم بشهر 11 لذلك استعد وانتظر اعلان التربية الرسمي

 شروط التقديم الخارجي لطلبة الصفوف المنتهية


- يبدأ التقديم بتاريخ ( طبعا التاريخ كل سنة يتغير ) لكن خلي ابالك انه من شهر 11 الى شهر 12 التقديم 

- تكون رسوم الاشتراك للمرحلة الابتدائية 25 الف دينار ورسوم الثانوية 50 الف دينار

شروط العمر


- ثلاثة سنوات لمن اكمل المرحلة الدراسية ولم يلتحق بالمرحلة التالية

- سنتان للناجحين من الاول متوسط او الرابع الاعدادي

- سنة كاملة للناجحين من الثاني متوسط او الخامس الاعدادي

‌- يحق لطلبة السادس الاعدادي او الخامس الاعدادي تغيير الافرع

‌- لا يجوز لمن سجل او دوام ولو يوم واحد الاشتراك في الامتحانات الخارجية لنفس السنة


ولاحظ هذه كتب رسمية من التربية فيها تعلميات والمطلوب منك كطالب







معلومات عامه عن الامتحان الخارجي 


 معلومات مهمة جدا وجواب لكثير من الأسئلة حول الامتحان الخارجي
 شنوا الخارجي؟  واشلون أقدم خارجي ؟  وشوكت؟  وهل شهادته نفس الصباحي؟  وغيرها

 
الخارجي هو أن تكعد وتسكت بالبيت بدون ما تداوم  فقط تروح تمتحن امتحان تمهيدي  بشهر الثاني هاي كل سنة بس هذا العام احتمال راح يكون بشهر الثالث او الرابع  إذا نجحت ب 4 راح تدخل وزاري إذا دخلت وزاري تروح بوقت الامتحانات ويه طلاب الصباحي بشهر 6 أو 7 تمتحن وزاري وهم بحقلك دور 1 و 2 و 3 إذا انطو

 قبل المعروف يجب أن تترك سنتان حته تقدم وشرط عمرك جبير أما الآن اجه قرار جديد هو :   

 { من رسب في صفه سنتان متتاليتان في المدارس الصباحية وسنه أو سنتان في المدارس المسائية يحول يقدم على الدراسة الخارجية  }

 انتبه : بس العام اجه قرار كال الراسب سنتين بالصباحي مخير في الذهاب للمدارس المسائية أو التقديم ع الخارجي مخير  بس هالسنه هم مخير؟  نحن بانتظار التعليمات 
 هالسنه طبعا التغيير في القرارات مرات كل سنة قرار جديد
 
  انتبه : من تقدم خارجي شرط مامسجل مسائي هالسنه يعني مو مسجل حضرتك بالمسائي ومداوم واجه بمزاجك تقدم خارجي لا شرط مامسجل

شوكت أقدم وشلون أقدم وشسوي  


انتبه المستمسكات إذا جنت طالب سادس تأخذ

  10 صور حجم 3. 5 × 4. 5 يعني صور جواز خلفية بيضاء
 
 وجنسيتك وشهادة جنسيتك أصليات واستنساخ وبعد 

  تأييد سكن من المختار 



 طبعا من التربية تعلن عن موعد التقديم ويتم تحديد اليوم انت تروح لمديرية التربية إلى بمحافظتك قبل لا تدخل بالباب تأخذ فايل وبيه استمارة تقديم على خارجي (عريضة) بألفين دينار وتدخل تسلم وتكللهم يأبه أريد أقدم ع خارجي  

هسه يكلك جيب الفايل أنطيهياه بعدها يوقع وينطيك ورقتين 

  أول وحده تجيب بيه وثيقة الثالث متوسط من متوسطتك الي جنت بيه إذا جنت نازح بغير محافظة يطلعوها عن طريق الحاسبة بدون ما تروح بالممثلية هاي اذا تقدم على سادس اما اذا تقدم على ثالث تروح اجيب وثيقة السادس الابتدائي من مدرستك اما اذا تريد اتقدم على السادس الابتدائي الورقة الثانية اتفيدك تابع 

  الورقة الثانية تجيب بيه واقع حال آخر صف جنت بيه وشنوا جان فرعك إذا جنت أدبي فمجبر تسجل أدبي إذا جان علمي مجبر تسجل علمي وتختار تطبيقي أو أحيائي 
واذا مقدم على السادس الابتدائي او الثالث متوسط كذلك واقع حال اخر صف جنت بي
وهذا ايضا لاي دراسة اخرى  


 وبعد 

 تجيبهن وتجيء تنطيهمياه وتدفع 50 ألف وينطوك وصل يكللوك روح تعال قبل شهر 2 ب 15 يوم شوف مكان امتحانك التمهيدي وبس واقعد أبيتك وأدرس  

هاي صورة التقطت من احدى المديريات





سؤال وجواب


  سؤال / شهادة الخارجي تفرق عن شهادة الصباحي؟  

  الجواب / خارجي صباحي مسائي كولهه شهادة وحده ومتفرق أبد ولا تحته بالمقبولات أدرس خارجي وطلع 98 تدخل طب ومحمد يمولك منين أجيت.  الفرق بس بالأعمار.  

  سؤال / أكدر أغير فرعي؟  

  الجواب / نعم.  .  إذا جنت أدبي ورسبت تكدر تحول علمي وبالعكس


 سؤال / إذا قدمت خارجي ورسبت بحقلي أقدم مرة ثانية؟ 

  بحقلك تقدم 5 مرات خارجي حته لو ترسب 


  سؤال / أني راسب أو تارك بصف رابع أو خامس أو سادس قبل 50 سنه أو قبل سنتين بحقلي أقدم هوسه ع خارجي؟  

  الجواب / نعم بحقلك 


  سؤال / أني خريج كلية كذا أو معهد.  أكدر أقدم تغيير فرع؟  وإذا قدمت تلغي شهادة الكلية؟  

الجواب /  نعم بحقلك

 نعم بمجرد أن تقدم راح تعتبر كأنه طالب سادس جديد.  وشهادتك مال الكلية أو المعهد تحذف 


  سؤال / أني أول سنه اللي بالصباحي أكدر أقدم خارجي؟  
 أني ثاني سنه إلى بالصباحي أكدر أقدم؟  

  الجواب / لا.  .  شرط أن تكون راسب سنتين بالسادس
 أو ناجح من الثالث متوسط صار لك 3 سنوات وبالسنة الرابعة تقدم


  سؤال / أني مثلا داومت إعدادية أو متوسطه لبغداد.  وهسه أني بكربلاء افتراضا أريد امتحن بكربلاء سوي؟  

  الجواب / يجيب وثيقته من المدرسة ويصدقها من مديرية تربية المحافظة إلى جان يداوم بيه.  يجيبها لمديرية تربية المحافظة إلى راح يدرس بيه خارجي


سؤال / شنو المواد الدراسية المطلوبه في الامتحان التمهيدي 

الجواب /  اخر طبعه حديثة تم اصدارها للمدارس

ملاحظة مهمه 


• يحق للطالب الخارجي الاعتراض على النتيجة. للدرس الواحد يدفع 3 الاف دينار.

• يحق للنازحين المشاركة بالامتحانات الخارجية.

• طلبة الخارجي لا يتوجب عليهم الالتزام بالزي الموحد الا اذا جاء تعميم من التربية .

• يكون الامتحان الوزاري مع امتحانات طلاب المدارس الوزاريه.

• المادة مطلوبه من اول صفحة لآخر صفحه في الكتاب خلال الامتحانات التمهيديه والوزاريه.

السنوات للقبول فترة الترك والقبول للطالب متوسط واعدادي



اسئلة مهمة عن الامتحان الخارجي مع الاجابة 


كم عمر الشخص الذي يجب ان يقوم التقديم على الامتحانات الخارجية في العراق 

2- يجب ان يكون عمر الطالب 18سنه فأكثر اي ان مواليد المتقدم للامتحان الخارجي (مواليد2003 وقبلها)

 

ماهي المستمسكات المطلوبة لـ التقديم على الامتحانات الخارجية في العراق 
 

3- المستمسكات المطلوبه التقديم على الامتحانات الخارجية في العراق 2020  :

• الجنسية : * نسخة اصلية.  *نسخة استنساخ.

•  شهادة الجنسية : *نسخة اصلية. *نسخة استنساخ.

•  صور عدد (8) ذات خلفية بيضاء بقياس 3.5×4.5.

• طلب رسمي (فايل يحتوي على استمارة) .

•بطاقة السكن.
 

كيفية تسليم المستمسكات و التقديم على الامتحانات الخارجية في العراق  ؟
 

– تسليم المستمسكات وطلب التقديم الى مديرية التربية التابعة لمحافظة سكن الطالب.
في المقابل يستلم الطالب من مديرية التربية ورقتان :

•طلب تسليم الوثيقة من المدرسة الى الطالب كي يقوم بتسليمها الى مديرية التربية. (ينطوك ورقتين اذا كنت طالب سادس وحده دزها للمدرسه الي نجحت منها من الثالث والورقه الثانيه تاخذها للصف التركت منه اخررر سنه واذا طالب ثالث ورقه تاخذه للمدرسه النجحت منها من الابتدائيه ورقه ثانيه تاخذه للمدرسه الي تركت بيها)

•واقع حال تسليمه الى مدير المدرسة لتوضيح اخر صف كان فيه الطالب.

5- يقوم الطالب بتسليم الوثيقة و واقع الحال الى مديرية التربيه مع دفع مبلغ (50) الف دينار.

بعد تسليم المبلغ يستلم الطالب وصل من التربية يقوم بأستنساخه و تسليم نسخه منه الى المديرية و الاحتفاظ بالنسخة الاصليه.

ملاحظات مهمه

• يحق للطالب الخارجي الاعتراض على النتيجة. للدرس الواحد يدفع 3الاف دينار.

• يحق للنازحين المشاركة بالامتحانات الخارجية.

• طلبة الخارجي لا يتوجب عليهم الالتزوام بالزي الموحد.

• يكون الامتحان الوزاري مع امتحانات طلاب المدارس الوزاريه.

• المادة مطلوبه من اول صفحة لآخر صفحه في الكتاب خلال الامتحانات التمهيديه والوزاريه.

انتهى الموضوع شكرا لكم

 مهم لك عزيزي الزائر الكريم شرفتنا ونحب تواجدك معنا 

قنوات ومواقع التواصل الاجتماعي الرسمية للاستاذ احمد مهدي شلال تابعنا باي مكان تريد حيث المصداقية والحقيقة في النشر اولا باول وهذه هي المواقع الرسمية اختر ما تريد 


القناة الرسمية على اليوتيوب أضغط هنا 

الموقع الرسمي على الانترنت أضغط هنا 

الصفحة الرسمية على موقع الانستكرام أضغط هنا 

القناة على التلكرام أضغط هنا 

صفحة الفيس بوك الرسمية أضغط هنا 

تابعنا على تويتر أضغط هنا 

كروب الاستاذ احمد على الفيس بوك الرسمي التعليمي أضغط هنا 

قناة الالعاب أضغط هنا 

التعريف بالموقع : هذا الموقع تابع للاستاذ احمد مهدي شلال بشكل رسمي وكل ما ينشر في الموقع يخضع للمراقبة وموقع الاستاذ احمد غير مسؤول عن التعليقات على المواضيع كل شخص مسؤول عن نفسه عند كتابة التعليق بحيث لا يتحمل موقع الاستاذ احمد مهدي اي مسؤولية قانونية حيال ذلك



وضع القراءة :
حجم الخط
+
16
-
تباعد السطور
+
2
-