اتبع هذه التعليمات والصور الي ناشرهم  ونجاحك مضمون
ومايخصك ومن تنجح تابعني
نبداء على بركة الله صير سبع وركز اول ماتستلم الاسئلة 

اخذ راحة ٥ دقايق لا تلتفت يمينا ويسارا ولا تكون قلق ولاتفكر بالمساعدة اعتمد على الي راح اكوله
كول بسم الله الرحمن الرحيم 

ابدا.. 

تروح عل  سؤال الانشاء 

الي هو السؤال الاخير سؤال الخامس هذا السؤال يسمونه ابو الخبزة يعني إذا اجاوبه تنجح
سؤال الخامس يجبون الكم فرعين فرع A وفرع B
انت جاوب على فرع واحد 

الإنشاءات الداخلة عدكم
نشرتهم احفظهم لا ادور على مرشحات
والي نشرتهم كلماته سهلة واضحة بسيطة ومن تريد اجاوب الانشاء اكتب خط واضح افصل كلمة عن الكلمة الأخرى وبين سطر وسطر
 

 

بعد ماكملت الانشاء
تروح الى السؤال الاول فرع A
هو عبارة عن القطعة الخارجية وعليه اسئلة ٦ نقاط
اجاوب عل ٥ نقاط كل نقطة درجتين
يعني ١٠ درجات 

من اجاوب هذا السؤال
كل نقطة تحذف أداة السوال منها وتكمل توصل الى علامة السؤال تحذفه تكمل الجواب من القطعه
وهكذا بقية الاسئلة 

فرع B
علي ٥ درجات يجبون الكم ٦ نقاط اجاوب على ٥ نقاط كل نقطة درجة واحدة
وهو عبارة عن صح او خطأ
 ( true معناها صح false معناها خطأ ) 

اشوف النقطة اذا مطابقة نفسه بالقطعة موجودة يعني صح
واذا مختلفة يعني خطأ
اذا ماكدرت وماركزت
هن عندك ٦ نقاط اترك النقطة ال ٦
يبقن عندك ٥ نقاط اختار ال ٣ النقاط الاولى صح
والنقطتين ٤ وال ٥ خليه خطأ 😉😉
تجي لفرع C من السؤال الاول هو قطع الكتاب
اني نشرت الكم فقط قطعتين الي هي
سيارة هذا العام panther
لوسي برنامج تلفزيوني 

اقراء الي ناشرهم من تجيك اسئلة على هاي القطعتين تكدر اجاوبهم
اذا دخت وماكدرت اجاوب ووتكول ماعندك وقت
تكدر اجاوب هذا السؤال كل نقطة تحذف اداة السوال وعلامة السوال وتخلي نقطة المهم لاتترك اي شي مااجاوبه
 

السؤال الثاني فرع A
القواعد يجبون الكم ٦ نقاط اجاوب على ٥
كل نقطة درجتين يعني ١٠ درجات
ونشرت الكم
القواعد المهمة والبسيطة تكدر اجاوبهم
 

فرع B ايضا يشمل القواعد لكن على شكل اختيارات تختار الكلمة المناسبة يجبون الكم ٣ اختيارت تختار واحد
يجبون الكم ٦ نقاط واجاوب على ٥
علي ١٠ درجات 

اذا دخت وماعرفت اجاوب
النقطة ١ و ٢ و٣ اختار الاختيار الكلمة الوسط
النقطة ٤ و٥ اختار الاختيار الكلمة الأخيرة
والنقطة ال ٦ اتركها 

 

السؤال الثالث فرع A
 

سؤال التعاريف
احفظ التعاريف الي ناشرهم
وشلون الطريقة الي تحفظهم وسهلات
 

 

السؤال الثالث فرع B
الربط التوصيل ايضا احفظ الي ناشرهم
 

السؤال الثالث فرع C
اختيار الكلمة بين قوسين
يجبون الك ٦ نقاط اجاوب على ٥ نقاط
على شكل كلمتين وتختار الكلمة المناسبة
اذا دخت وماعرفت اجاوبهم
النقطة ١ و٢ و٣
اختار الكلمة الثانية
والنقطة ٤ و ٥ اختار الكلمة الاولى
والنقطة ال ٦ اتركها
 

السؤال الثالثةفرع D
 

التنقيط
كل التفاصيل اقراهم والاسئلة الوزارية اقراهم يجبون الكم منها نصا
 

 

السؤال الرابع فرع A
القصص
اني نشرت الكم فقط الزبون المحظوظ كريم
والغزال
اقراهم زين
يجبون الكم ٦ نقاط اجاوب على ٥
اذا دخت وماعرفت اجاوب
كل نقطة احذف اداة السوال الي هي اول كلمة واحذف علامة السوال وخلي نقطة
 

السؤال الرابع فرع B
الاملاء
كل مواضيع الاملاء
نشرته الكم
يجبون الكم ٦ نقاط اجاوب على ٥
ركز وطبق هاي التعليمات ونجاحك بسهولة ومضمون
وراح انشر الكم مقطع فيديو شلون اجاوب
 

تابعوني اخوكم
أستاذ علي خلف العكيلي