شرح موضوع الاستثناء ما هو اسلوب الاستثناء حروف الاستثناء انواع الاستثناء التحويل الحالات
اهلا بكم متابعي موقع وقناة الاستاذ احمد مهدي شلال في هذا الموضوع سنعرض لكم شرح كامل عن
أسلوب الاستثناء قواعد اللغة العربي سادس علمي وادبي
 |
| أسلوب الاستثناء قواعد اللغة العربي سادس علمي وادبي |
لا تنسى زيارتنا باستمرار للحصول على كل شيء جديد ومميز معنا محبكم لاتنسون احبكم
أسلوب الاستثناء
ما هو اسلوب الاستثناء ؟
الاستثناء : هو اخراج الاسم الواقع بعد اداة الاستثناء من حكم ما قبلها .
يعني بصورة اوضح ( انو نستثني عاقل او غير عاقل و الخ... عن غيرهم يعني نميز بيناتهم )
شلون نستثني او نعرف الاستثناء ؟
الاستثناء بي ثلاثة اركان و ضرورية تعرفها ، شنو هي الاركان ؟
عدنا اولا المستثنى منه
ما معنى المستثنى منه ؟
المستثنى منه : يقع قبل اداة الاستثناء ، و ليس شرطا ان يقع قبلها مباشرةً ، يمثل المجموع الكلي ، و يجب ان يكون اسم او ضمير ظاهر و يعرب حسب موقعه من الجملة .
ثاني ركن عدنا اداة الاستثناء
شنو هي اداة الاستثناء ؟
اداة الاستثناء تقع بين المستثنى منه و المستثنى
اداة الاستثناء عدنا ثلاثة انواع الي هي:
حروف و الي تكون : ( إلا )
اسماء و الي هي : ( غير ، سوى )
افعال او حروف و الي هي : ( عدا ، خلا ، حاشا )
ثالث ركن و الاخير المستثنى
شنو هو المستثنى ؟
المستثنى : هو يقع بعد اداة الاستثناء مباشرة ولا يجوز حذفه ، يمثل الجزء الصغير من المجموع الكلي ، يجب ان يكون
اسم ظاهر او ضمير منفصل او مصدر مؤول ، يعرب حسب نوع الاستثناء .
عدنا نوعين بالاستثناء
شنو هما النوعين ؟
١_الاستثناء التام
٢_الاستثناء المفرغ
اولاً ؛ نجي اولا للاستثناء التام
شنو الاستثناء التام ؟
الاستثناء التام : هو المستثنى منه موجود قبل اداة الاستثناء ، و يمكن معرفته من خلال قراءة الجملة قبل اداة الاستثناء .
يعني من اخذنا الاركان للاستثناء شرط الاستثناء التام انو يكون المستثنى منه موجود في الجملة ،فاذا انحذف راح يتغير النوم و بعدين ناخذه النوع الثاني ، و يمكن معرفته من خلال قراءة الجملة قبل اداة الاستثناء فاذا تامة فهو الاستثناء تام و اذا غير تامة فراح يكون نوع اخر ..
عدنا بالاستثناء التام ثلاث
شنو هم الثلاث ؟
الاستثناء التام المتصل المثبت
الاستثناء التام المتصل المنفي
الاسثناء التام المنقطع ( المتصل او المنفي )
الاستثناء التام المتصل المثبت
شنو معنى تام متصل ؟
التام المتصل ( يعني يكون المستثنى من جنس المستثنى منه )
يعني اذا كان ( المستثنى منه عاقل يجب ان يكون المستثنى عاقل ، اذا كان المستثنى منه غير عاقل فيجب ان يكون المستثنى غير عاقل و الخ ..)
المثبت : يعني ان تكون الجملة مثبتة و لم تسبق باداة نفي
شنو حكم المستثنى ؟
حكم المستثنى وجوب النصب
اعرابه : مستثنى منصوب وجوبا و علامة نصبه ... ( علامات النصب التعرفوها )
الا : اداة استثناء
هذا التام المتصل المثبت
ناخذ مثال
قال تعالى ( و العصر ان الانسان لفي خسر الا الذين امنو )
ما نوع الاستثناء ، و ما حكم المستثنى ؟
شلون نحل السؤال ؟
نجي بالبداية نقرأ قبل اداة الاستثناء نشوفها تامة المعنى ، خل نقراها ( و العصر ان الانسان لفي خسر )
هل الجملة تامة ؟ نعم الجملة تامة المعنى ما عليها اي غبار
اذن راح نعرف اول شغلة الاستثناء تام .
نشوف المستثنى من جنس المستثنى منه ؟
المستثنى منه راح يكون ( الانسان ) و المستثنى ( الذين )
ثنينهم من جنس العاقل
فراح نعرف انه استثناء تام
نشوف اخر شي مثبت لو منفي نبحث عن اداة نفي اكو اداة نفي بالنص ؟
لا ماكو اي اداة اذن الاستثناء حيكون
(تام متصل مثبت )
حكم المستثنى : وجوب النصب ، هاي تحفظوها عيوني
الاستثناء التام المتصل المنفي
عرفنا شنو معنى تام متصل
المنفي انو الجملة تكون مسبوقة باداة نفي
شنو حكم المستثنى ؟
حكم المستثنى راح يختلف يكون جواز الامريم اما ( النصب على الاستثناء ، او الاتباع على البدلية )
و اعرابه : مستثنى منصوب جوازا
او بدل و البدل ياخذ حركة المبدل منه .
ناخذ مثال ( لم اخبر احدا بسفري الا ابي )
ما نوع الاستثناء ، و ما حكم المستثنى ؟
نجي خطوة خطوة
اول شي نقرا قبل اداة الاستثناء فنشوف الجملة ( لم اخبر احدا بسفري ) الجملة تامة ما عليها اي غبار اذن الاستثناء تام هاي اول شي .
ثاني شي نشوف جنسه ( فراح يكون المستثنى منه احدا و المستثنى ابي ) هل ثنينهم من نفس الجنس ؟ الجواب اي الاب من جنس الاحد ، اذن عرفنا انه تام متصل
الخطوة الاخيرة نشوفه مثبت لو منفي ، فراح نبحث عن اداة نفي قبل اداة الاستثناء راح نلكه ( لم) اذن منفية
فنوع الاستثناء ( تام متصل منفي )
حكم المستثنى : ( جواز الامرين
النصب على الاستثناء او الاتباع على البدلية ) و هاي هم تحفظها عزيزي الجميل 🤍...
و اخيرا التام المنقطع
شنو المنقطع ؟
المنقطع انو المستثنى ليس من جنس المستثنى منه ، يعني ممكن عاقل المستثنى منه و المستثنى غير عاقل ..
و الحكم سواء كان متصل او منفي ( وجوب النصب )
ثانياً ؛ الاستثناء المفرغ
اخذنا اولا الاستثناء التام
هسة عدنا الاستثناء المفرغ
شنو هو الاستثناء المفرغ ؟
الاستثناء المفرغ : تفرغ ما قبل الاداة عن العمل على ما بعد الاداة .
حكم المستثنى بالاستثناء المفرغ هو : ( الاعراب حسب الموقع )
شروط الاستثناء المفرغ
١_اول شرط من شروطه هو المستثنى منه محذوف من الجملة
(من اخذنا بالاستثناء التام كان الشرط هو ان يكون المستثنى منه موجود ، لكن بالاستثناء المفرغ يكون المستثنى منه محذوف من الكلام )
٢_ان تسبق( الا ) باداة نفي او نهي او استفهام . ( لازم تسبق )
٣_ ان تكون الجملة قبل اداة الاستثناء غير تامة المعنى .
(من كان عدنا الاستثناء التام كنا نعرفه تام من خلال قراءة الجملة قبل اداة الاستثناء فاذا تامة نكول تام ، اما اذا ما تامة فراح يكون هو من النوع الثاني الي هو الاستثناء المفرغ ) .
٤_ان تكون الجملة تامة عندما نحذف اداة النفي و اداة الاستثناء .
(يعني نحذف اداة النفي الموجودة و نحذف اداة الاستثناء الموجودة و نقرأ الجملة فراح تكون عدنا الجملة تامة المعنى ) .
المستثنى بالاستثناء المفرغ يعرب حسب موقعه فشلون راح نعرب ؟
اول شي : نحذف اداة النفي و اداة الاستثناء و نعرب اعراب عادي و ما بعد الا راح يكون مكمل لاعراب ما قبل الا فقط اذا كان عدنا ( ليس ) ما نكدر نحذفها من النص و غالبا يكون المستثنى اسم او خبر ليس ..
عدنا ملاحظات عن الاستثناء المفرغ
اول شي من يكون عدنا بعد ( الا )
( جار و مجرور ، ظرف زمان او مكان ، جملة فعلية او اسمية ، مفعول مطلق ، واو حالية )
يكون الاستثناء ( مفرغ ) دائمًا ...
٢_اذا وجدنا شبه جملة بعد اداة الاستثناء يكون الاستثناء مفرغ دائما .
٣_ اذا وجدنا الفعل يأبى او أبى بمعنى لا يريد فيكون الاستثناء دائما مفرغ
ناخذ مثال نشوف شلون نحل اسئلة المفرغ
(و ما النصر الا من عند الله )
ما نوع الاستثناء ؟ و ما حكم المستثنى ؟
نعتبر انو انت ما حافظ ملاحظة الشبه الجملة بعد اداة الاستثناء دائما مفرغ اوك ، شلون نحله ؟
نجي اول شي نقرأ قبل اداة الاستثناء نشوفها تامة او غير تامة ؟ نقرأها ( و ما النصر ) ، بيها معنى ؟ الجواب لا ، ما تام المعنى بيها
هاي اول دليل انو الاستثناء مفرغ ،
نكول بعدك شاك انه ما مفرغ حقك عمي
تعال احذف اداة النفي و اداة الاستثناء و شوف الجملة تامة المعنى ؟
نجرب ، تصير الجملة ( النصر من عند الله ) تامة المعنى اذن الاستثناء مفرغ
و نوع الاستثناء للمثال هو الاستثناء مفرغ ، و حكم المستثنى الاعراب حسب الموقع ...
تحويل الاستثناء التام الى استثناء مفرغ
عدنا كان من شروط الاستثناء التام انه يكون المستثنى منه موجود في الكلام او النص و شرط الاستثناء المفرغ ان يكون المستثنى منه محذوف من الكلام او النص ، فببساطة عندما يطلب تحويل الاستثناء التام الى استثناء مفرغ مجرد نحذف المستثنى منه حتى يصبح الاستثناء مفرغ .
ناخذ مثال و نطبق عليه
ما يغفر الذنوب من احد الا مالك الملك
حول الاستثناء التام الى استثناء مفرغ ؟
احنا عرفنا انو نقرأ الجملة قبل اداة الاستثناء حتى نعرفه تام او مفرغ فنجي نقرأ الجملة تكون ( ما يغفر الذنوب من احد ) الجملة تامة المعنى اذن الاستثناء تام ، شلوت نحوله الى مفرغ بمجرد نحذف المستثنى منه ، المستثنى منه راح يكون ( من احد ) فنحذفه و تصبح الجملة
ما يغفر الذنوب الا مالك الملك
فتحول عدنا الاستثناء التام الى مفرغ
انتهى الموضوع شكرا (لك / لكِ)
مهم لك عزيزي الزائر الكريم شرفتنا ونحب تواجدك معنا
قنوات ومواقع التواصل الاجتماعي الرسمية للاستاذ احمد مهدي شلال تابعنا باي مكان تريد حيث المصداقية والحقيقة في النشر اولا باول وهذه هي المواقع الرسمية اختر ما تريد
القناة الرسمية على اليوتيوب أضغط هنا
الموقع الرسمي على الانترنت أضغط هنا
الصفحة الرسمية على موقع الانستكرام أضغط هنا
القناة على التلكرام أضغط هنا
صفحة الفيس بوك الرسمية أضغط هنا
تابعنا على تويتر أضغط هنا
كروب الاستاذ احمد على الفيس بوك الرسمي التعليمي أضغط هنا
قناة الالعاب أضغط هنا
وتقبلو تحياتي
التعريف بالموقع : هذا الموقع تابع للاستاذ احمد مهدي شلال بشكل رسمي وكل ما ينشر في الموقع يخضع للمراقبة وموقع الاستاذ احمد غير مسؤول عن التعليقات على المواضيع كل شخص مسؤول عن نفسه عند كتابة التعليق بحيث لا يتحمل موقع الاستاذ احمد مهدي اي مسؤولية قانونية حيال ذلك
ملاحظة مهمة : لاتنسى دائما ان للاستاذ احمد مهدي شلال قناة رسمية على موقع اليوتيوب باسم ( احمد مهدي شلال عباس المهداوي ) حيث اقوم بنشر شروحات دروس الرياضيات لكافة المراحل الدراسية مرحلة الابتدائي ( اول ابتدائي وثاني ابتدائي وثالث ابتدائي ورابع ابتدائي وخامس ابتدائي وسادس ابتدائي ) ومرحلة المتوسطة ( اول متوسط وثاني متوسط وثالث متوسط ) ومرحلة الاعدادية ( رابع علمي ورابع ادبي وخامس ادبي وخامس علمي تطبيقي وخامس علمي احيائي وسادس ادبي وسادس علمي احيائي وسادس علمي تطبيقي ) كلها تجدوها في قناتي الرسمية وايضا لدي قناة ثانية رسمية على موقع اليوتيوب باسم ( احمد مهدي Gaming ) مهتم بهذه القناة بمجتمع يختلف عن القناة الاولى في هذه القناة اقوم بنشر الالعاب الالكترونية بكل انواعها اسعى لزرع البسمة في وجوهكم وتغيير جو الدراسة
وفي موقعي هذا ايضا اقوم بنشر اسئلة امتحان متنوعه ، مرشحات , اجوبة نموذجية للسادس الاعدادي ، وكل شيء يخص الكليات والمعاهد في العراق ،
اذا كنت حاب تدعم الاستاذ احمد مهدي ماديا من داخل العراق وماعندك حساب باي بال او بطاقة مصرفية تكدر تدعمنا بتحويل رصيد حته لو بـ 1 الف دينار راح تسوي فضل كبير بتطوير القناة
دعمك النا هو سر استمرارنا شكرا لكل شخص قدم الدعم
واذا كان عندك حساب وتريد تدعمنا هذا رابط الدعم على البايبال أضغط هنا
واذا كنت حاب تدعمنا بالرصيد يمكن معرفة التفاصيل بالضغط هنا
عزيزي المشاهد لا تترك الموضوع بدون تعليق وتذكر ان تعليقك يدل عليك فلا تقل الا خيرا :: كلمات قليلة تساعدنا على الاستمرار في خدمتكم ادارة الموقع ... ( مَا يَلْفِظُ مِنْ قَوْلٍ إِلا لَدَيْهِ رَقِيبٌ عَتِيدٌ )