اجور الموازي قبل التخفيض اجور الموازي بعد التخفيض للسنة القادمة 2022 ماهو شنو التعليم الموازي لطلاب السادس والكليات في العراق المعدلات للموازي الحدود الدنيا اسعار الموازي في الجامعات العراقية 2021
اهلا بكم متابعي موقع وقناة الاستاذ احمد مهدي شلال في هذا الموضوع سنعرض لكم شرح كامل عن
التعليم الموازي للعام الدراسي الجديد 2022
 |
| التعليم الموازي للعام الدراسي الجديد 2022 |
لا تنسى زيارتنا باستمرار للحصول على كل شيء جديد ومميز معنا محبكم لاتنسون احبكم
تعريف التعليم الموازي
الدراسة الموازية :- هو الدراسة على نفقتك الخاصة والدوام في الجامعات الحكومية مع طلبة الصباحي .
واحد من الطلاب :- مافهمت شي
أشرح الموازي بشكل مُختصر وبلعامية
- صار حبيبي
مُختصر الموازي :- تَدرس وي الصباحي بس بفلوس.
تعليق أحد الطلبة :- يعني شلون بفلوس خوب أروح أهلية؟
لاحبيبي الوزارة او الحكومة قبل ٤ سنوات سوت تعليم أسمه الموازي يوازي الصباحي بكل تفاصيله (عدا انو تدفع فلوس) يعني كأنما تشتري درجات علمود تدرس التَخصص الي تحلم بي ودرسه وي طلبة الصباحي
يعني طلاب بأختصار:- ونفس مانوهنه سابقاً الموازي تشتري درجات علمود تكدر تدرس وي طلاب صباحي
الشروط الاساسية لتقدم على قناة التعليم الموازي (للعام السابق)
بعد ماكملنه تعريف الموازي هسه نعرف شنو شروط التقديم على الموازي اسعار الموازي في الجامعات العراقية 2021
شروط الموازي
١- يجب أن يكون الطالب مستوفي كافة شروط القبول المركزي.
-بأختصار يعني لازم مْقدم على قناة القبول العامة علمود تكدر تقدم على التعليم الموازي
يعني قاعدة:- لا موازي بدون التقديم على قناة القبول العامة
-يعني لازم عندك قبول بلكليات الحكومية
(وهاي أهم نقطة بلموازي)
اكرررررر لا موازي بدون التقديم على القناة العامة
٢- يحق لطلبة خريجي الدراسة الاعدادية لسنة ٢٠١٩/٢٠٢٠
التقديم على قناة التعليم الموازي بغض النظر اذاكان لديهم قبول بدراسة المسائية او الاهلية او الكليات الوقفية(الكليات التابعة للوقف الشيعي او السُني)
- يعني اذا انت مقدم على المسائي او الاهلي وتريد التقدم على الموازي فألك حق التقديم
- يعني يحق الك تقدم موازي وأهلي ومسائي
٣- يُلغى القبول السابق سواء كان قبول المركزي او الاهلي او المسائي او المباشر في حال مباشرته في التعليم الموازي ولا يحق له الرجوع لاي سبب كان
○يعني يكلك اذا انت نقبلت بلقبول المركزي(كلية طب اسنان) ونقبلت بلاهلي (طب عام) ونقبلت بلموازي (طب عام) وباشرت بتسجيل والدراسة بلموازي تلقائياً راح يلغي قبولك باقي القنوات وماتكدر ترجع الهن
درجات الادنى للقبول في التعليم الموازي (عام ٢٠١٩-٢٠٢٠)
هسه لازم نعرف شكد يضيفون درجات علمود اكدر ادخل موازي؟؟
ملاحظة:-الدرجات ادناه حسب العام دراسي السابق
يجب ان لا يقل معدل الطالب المُتقدم لتعليم الموازي
أ- ثلاث درجات في كلية الطب وكلية طب الاسنان والصيدلة وكلية التمريض وكلية التقنية الطبية والمعاهد الطبية
ب- أربع درجات في كليات الهندسة والمعاهد التقنية الهندسية
ج- خمس درجات لكليات العلوم
د- سَت درجات لباقي التخصصات ومن ضمنها الطب البيطري
آليـة التقديم على الموازي والقبـول
هسه طلاب السادس الحلوين يسئلون نفسهم ليمت ينفتح التقديم على الموازي؟وأشكد أجور الموازي ؟
اولاً:- ليمت ينفتح التقديم على الموازي ؟
طلاب عادةً الموازي تنفتح اله أكثر من بوابة
- يعني اول العام مثلا أنفتحت ٣ بوابات للموازي
- والعام الموازي نفتح مرتين
ينفتح عادةً بعد نتائج الدور الثاني
واذا كان اكو دور ثالث لطلاب السادس فتنفتح البوابة الثانية بعد نتائج الدور الثالث
ملاحظة:-البوابة الثانية اله تنفتح بعد دور ثالث يقدم عليه طلاب الدور الاول والثاني
زين هسه طالب يسئل يكول شلون راح تكون آلية التقديم؟يعني نروح للكلية بشكل مباشر لو شلون ؟
قلبي انت راح ينزل رابط بوابة التعليم الخاص بعد النتائج وينطونك وقت التقديم تكون اكثر من ١٥ يوم وراح تكدر تقدم ١٠ أختيارات
والقبولات ليمت تطلع؟
من ٧ الى١٥ يوم
زين احنه شلون راح نختار الكليات حي الله لو على كليات الحلوه ؟
-لا حبيبي راح تختار الكلية(أختياراتك) حسب حدود الدنيا مال دور الاول وعدد مقاعد للكلية
•واحد من طلاب:-كلشي مافهمت
-حبيبي أني افهمك،بعد نتائج مو راح تنزل حدود دنيا لكُل كلية فراح تقدم ودليليك حدود الدنيا
شلون يعني؟ وضح
◇مثلاً أنت طالب معدلك ٩٧ وتريد تقدم على كلية الطب فشنو راح تسوي؟ كالاتي
تسوي مسودة وتروح تدخل على حدود الدنيا تشوف منو أقل كلية طب عام قابله معدل وتكتبه بلمسودة
زين شنو الفايدة؟ اني اكلك
-الفايدة انو تعرف نفسك اذا نضافتلك ال٣ درجات
راح يكون معدلك مقبول ضمن أختياراتك لو لا؟
مثلاً٢:-طالب معدله ٩٦ ويريد يدخل طب عام
فاكو كلية قابله ٩٩ واكو كلية ٩٨
برائيك على منو راح ينافس اكثر على مقعد الكلية الي قبلت ٩٩ لو على الكلية الي قبلت ٩٨؟؟
اكيد على مقعد كلية ٩٨ مو لو مو مو؟ وهكذا
يعني مُختصر:-تشوف معدلك وتشوف حدود الدنيا وراح تشوف على منو الك فرصة اكثر تنافس
زين شنو هاي عرفناه شنو عدد مقاعد الكلية؟
حبيبي لكل كلية طاقة أستيعابية مُحددة
مثلاً برائيك الطاقة الاستيعابية مال كلية طب بجامعة السماوة نفسه بكلية الطب بجامعة البصرة؟؟
قطعاً مو نفسه لان الطاقة الاستيعابية تعتمد على تصنيف الكلية بين الكليات العراق كذلك بناية الكلية وكادر التدريسي لكلية ومختبراته تمام عيني ؟
مثلا اذا اجوي ١٠٠ طالب ٥٠ منهم معدلهم ٩٩ ونص الثاني ٩٨.٥ وقدمو على كلية الطب بجامعة السماوة وكذلك على جامعة البصرة وجانت طاقة الاستيعابية لسماوة ٥٠ طالب والبصرة ١٠٠فجامعة السماوة راح تقبل بس الي معدلهم ٩٩ لكن البصرة تقبلهم كلهم لان عده طاقة استيعابية أكثر وضحت ؟
ملاحظة :- أنت مراح تكدر تعرف عدد مقاعد بلمضبوط لان صعبة عليك وكذلك هذا الشي مو مضبوط ١٠٠% لان مرات الطاقات الاستعابية تزداد او تنقص بدون ماتدري طلبة بس هذا توضيح ل آلية القبول
-كذلك مرات مايحالفك الحظ بتقديم
ملاحظة٢:- الاعداد والامثلة الي ستخدمناهن اعلاه لتوضيح وغير حقيقيات
- اجور الموازي قبل التخفيض ( كاملة ).
 |
| اجور الموازي قبل التخفيض |
اجور الموازي بعد التخفيض للسنة القادمة 2022.
 |
| اجور الموازي بعد التخفيض للسنة القادمة 2022 |
معلومة :- العام صار تقليص بالموازي بنسبة 50% وهالسنة ان شاء الله هم يستمرون بالتقليص ، ف اللي حيروح مرحلة أولى يمشي على هاي الاقساط.
لمعلومات اكثر يمكن الاطلاع على المواضيع التالي
انتهى الموضوع شكرا (لك / لكِ)
مهم لك عزيزي الزائر الكريم شرفتنا ونحب تواجدك معنا
قنوات ومواقع التواصل الاجتماعي الرسمية للاستاذ احمد مهدي شلال تابعنا باي مكان تريد حيث المصداقية والحقيقة في النشر اولا باول وهذه هي المواقع الرسمية اختر ما تريد
القناة الرسمية على اليوتيوب أضغط هنا
الموقع الرسمي على الانترنت أضغط هنا
الصفحة الرسمية على موقع الانستكرام أضغط هنا
القناة على التلكرام أضغط هنا
صفحة الفيس بوك الرسمية أضغط هنا
تابعنا على تويتر أضغط هنا
كروب الاستاذ احمد على الفيس بوك الرسمي التعليمي أضغط هنا
قناة الالعاب أضغط هنا
وتقبلو تحياتي
التعريف بالموقع : هذا الموقع تابع للاستاذ احمد مهدي شلال بشكل رسمي وكل ما ينشر في الموقع يخضع للمراقبة وموقع الاستاذ احمد غير مسؤول عن التعليقات على المواضيع كل شخص مسؤول عن نفسه عند كتابة التعليق بحيث لا يتحمل موقع الاستاذ احمد مهدي اي مسؤولية قانونية حيال ذلك
ملاحظة مهمة : لاتنسى دائما ان للاستاذ احمد مهدي شلال قناة رسمية على موقع اليوتيوب باسم ( احمد مهدي شلال عباس المهداوي ) حيث اقوم بنشر شروحات دروس الرياضيات لكافة المراحل الدراسية مرحلة الابتدائي ( اول ابتدائي وثاني ابتدائي وثالث ابتدائي ورابع ابتدائي وخامس ابتدائي وسادس ابتدائي ) ومرحلة المتوسطة ( اول متوسط وثاني متوسط وثالث متوسط ) ومرحلة الاعدادية ( رابع علمي ورابع ادبي وخامس ادبي وخامس علمي تطبيقي وخامس علمي احيائي وسادس ادبي وسادس علمي احيائي وسادس علمي تطبيقي ) كلها تجدوها في قناتي الرسمية وايضا لدي قناة ثانية رسمية على موقع اليوتيوب باسم ( احمد مهدي Gaming ) مهتم بهذه القناة بمجتمع يختلف عن القناة الاولى في هذه القناة اقوم بنشر الالعاب الالكترونية بكل انواعها اسعى لزرع البسمة في وجوهكم وتغيير جو الدراسة
وفي موقعي هذا ايضا اقوم بنشر اسئلة امتحان متنوعه ، مرشحات , اجوبة نموذجية للسادس الاعدادي ، وكل شيء يخص الكليات والمعاهد في العراق ،