نبذة مختصرة عن كلية الاداب علم النفس في الجامعات العراقية

 أهداف الكلية : تهدف الى تزويد الطلبة بالمعارف والمعلومات النظرية الاساسية في فهم وتفسير سلوك الانسان ونشر الثقافة والمعرفة في علم النفس بين افراد الشعب من خلال وسائل الاعلام الجماهيري التي يشارك فيها افراد القسم عن مساهمته في خدمة المجتمع عن طريق تقديم الخدمات النفسية والاستشارات العلمية بصورة فردية لمن يطلبها او عن طريق اسهام اعضاء هيئة التدريس في القسم في البرامج الثقافية التي تعد وسائل الاعلام المختلفة المرئية والمسموعة والمكتوبة .

1. شكد يقبل علم النفس معدل ؟ 

 الفرع الادبي 62.7  . 

 الفرع الاحيائي  75.1 . 

 الفرع التطبيقي 67 .

وطبعا يختلف من جامعة الى اخرى . 

2. زين التعيين بيها مركزي ؟ 

التعيين غير مركزي . 

3. زين من اتخرج وين اتعين ؟ 

 عزيزي تتعين في اغلب الوزارات مثل التربية والصحة والزراعة والتعليم العالي والثقافة كمرشد تربوي وباحث اجتماعي او في الدوائر او في الجامعات .

4. تمام زين شنو طبيعة الدراسة ؟ 

 تتضمن الدراسة ثقافة وتوعيه يعني عن حياتنه اليوميه ودراسة الام الحامل والمراحل لحد سن الشيخوخة واليأس والاحداث والجرائم والحد والتخلص منها واكو مادة صحه تتضمن بعض الامراض وعلاجها والامراض النفسية والرياضيات بشكل مبسط .

5. شنو التخصص الى راح اعمل بي بالمستقبل ؟ 

 باحث او باحثة اجتماعية او معيد في نفس القسم او في الارشاد التربوي . 

6. لهنا تمام زين اكو كليات اهلية لعلم النفس ؟ 

 لا ماكو . 

7. زين اكو دراسة مسائية ؟ 

 اي نعم اكو المعدل تقريبا 60 والقسط 1,000,000 .

 نصيحة الى الراغبين بعلم النفس ، علم النفس من اسهل الاقسام بكلية الاداب دراسة تقريبا فقط 8 مواد وقسم دراسة كولش حلو وسهل وطبعا يكدر الطالب يكمل دراسات عليا ومن تكملون تصيرون اساتذة وطبعا اول مرحلة تتعرفون ع علم النفس بشكل عام وعدكم علم الاجتماع  وتربية بيئية وتتعلمون شلون تربون الاطفال وتتعاملون وياهم وبعدين تستمرون الى المرحلة الرابعة بعدين تتعلمون تعدلون سلوكيات الغير مرغوبة وتتعلمون شلون تحللون الشخصية واكيد عدكم مواد عن 

الصحة النفسية .