طريقة دراسة مادة الكيمياء وضبط المسائل

- الكيمياء والفيزياء متشابهين من حيث دراستهم لأنهم ينقسمون الى كلاميات ومسائل لكن نسبة المسائل بالكيمياء كلش ضخمة مقارنة بالفيزياء بالتالي تكون الدرجة الأعظم للمسائل بالامتحان الوزاري بالكيمياء واني اکلك شغلة من البداية اذا ما تضبط اسياسات الرياضيات من ضرب وقسمة وطرح وجمع واسس واعدد عشرية راح تكون الكيمياء كابوسك الأبدي أي ؟ لان ارقامها معجزة تحتاج شخص عندو أساس بالرياضيات حتى يگدر يكون قوي بيها .

١. تخصصلك دفتر للمادة تمام ؟ او تاخذك ملزمة بيها الأسئلة محلولة ولازم تكتب ملاحظات على كل سؤال وشلون تنحل وليش وما ليش حتى من تجي تراجع تتذكر الحل من تقرا الملاحظات مالتك إلي انت مدونها .

٢. عندك كل موضوع عندو قانونو الخاص فتقرا وتطلع على الموضوع ثم تحفظ القانون وتفاصيلوو وحداتو ثم تباشر بمثال ثم تمرين ثم اسئلة فصل ثم وزاري طبعا تحل بيدك ورقة وقلم .

٣. تركز على الوحدات لأن كلش مهمة وعليها درجة بالتصحيح وهي اهم من الناتج أساسا .

٤. تكتفي باسئلة المنهج مع الوزاريات للتقوية ومايحتاج تقرا غيرهم ابد لا خارجي ولا اثرائي خصوصا بهاي المادة لأن بيها مليون سؤال .

- الكيمياء مادة علمية فهم يعني حاول تفهم كلشي قبل لا تحفظ فهم + حفظ يخليك تحفظ وصعب تنسي أما اذا حفظ بلا فهم صعب تحفظ وسهل تنسى اتفقنا ؟

أولا:- احاول افهمها ، واتصورها بالي !

ثانيا:- اقراها ورقة وقلم واشرح لنفسك بنفسك اتخيل نفسك الاستاذ اشرح وسمع نفسك حتى تدخل المعلومة وتستقر بعقلك مع التكرار تصير سهلة .

ملاحظة :- الأسئلة الوزارية الكيمياء تقرأهامن 2013 لحد اخر دور وتضبط كل الوزاريات الكلامية مثل اسمك وتركز على أسئلة الفصل .

- ستة اسئلة يجيك مع ترك سؤال والإجابة على خمسة اسئلة مع وجود ترك ضمني ضمن الأسئلة يجيك بالامتحان 140 أو 150 درجة فعندك ترك سؤال وترك ضمني فتجاوب على 100 درجة

وتترك الباقي واهم شي الوحدات تكون مضبطهم ترا ياكلون درجتك ، طبعأ 70% من الدرجة تكون على المسائل العلمية و 30 % تكون على الكلاميات .