نبذة مختصرة عن كلية القانون في الجامعات العراقية

الطلاب الي يفكرون يقدمون ع كلية القانون تجي بالهم اسئلة معينة وراح نجاوب ع اكثر الاسئلة الي ميعرفوها الطلاب الجدد . 

١. تنصحني بكلية القانون ؟ 

 

طلاب قسم القانون كولش حلو ومهم جدا بحياتنا ومجالاته واسعة فاذا انت عندك رغبه اله انصحك هوايه بالقانون . 

٢. شكد معدل الي تقبله ؟ 

حسب السنين السابقة : الاحيائي 86 ، التطبيقي 79 ، الادبي 84 .

وطبعا يختلف المعدل من محافظه الى اخرى . 

٣. التعيين مركزي ؟ 

لا مو مركزي . 

٤. شنو هي الوظائف الي نكدر نشتغل بيها بعد التخرج ؟ 

 محامي ، مستشار قانوني ، اخصائي ميزانية ، باحث اقتصادي ، باحث قانوني ، مدير خدمات عامة ، مفتش اداري . 

٥. اكو مسائي للقانون وشكد المعدل والقسط ؟ 

 اي نعم اكو كليات مسائية المعدل تقريبا 60 والقسط تقريبا 1,300,000 . 

٦. اكو اهلي للقانون وشكد المعدل والقسط ؟ 

 اي نعم ايضا اكو كليات اهلية للقانون المعدل حسب المعدلات للسنة السابقة 56 والقسط اقل قسط 1,500,000 . 

٧. اكدر افتح مكتب بعد التخرج ؟ 

 

اي نعم تكدر تفتح مكتب بعد ما تحصل هوية من النقابة . 

قسم هوايه حلو بلبداية راح يصير عندك شويه ملل وممكن تواجه صعوبه لان مماره عليك هيج مواد قبل بس بمساعدة الدكاترة راح يسهل عليك واحلا شي بدراسة القانون الي هو التطبيق بالمحاكم بالمرحلة الثالثه ومن تجي تسالك الناس ع شغلة معينه راح تحس بوقتها نفسك فقيه بالقانون . 

 ملاحظة : بخصوص المواد الي تدرسوها تختلف من كلية لكلية بالنسبة للكليات الحكومية اما بخصوص الاهلية اكو نظام اسمة تؤام الجامعه يعني مثلا كلية اهلية تدرس نفس مواد كلية حكومية ، بمعنى لكل كلية اهلية تؤم كلية حكوميه يدرسون نفس موادهم بلضبط .