اخطأت بامتحان نصف السنة وحليت بعض الاسئلة خطأ

أذا اخطأت بأمتحان نصف السنة فـ عفية عليك لأنو هالشي حيساعدك

بما انو انت امتحنت وعرفت اخطائك مـن طلعت مـن الامتحان فـ اريدك تسوي شغلة تفيدك بيوم الوزاري

دفتر زغير ابو 30 او مـن هذني مال ملاحظات وخلي خاص بهاي الفقرة وبس لتڪتب بي شي ثاني ، هـَْـُذآ الدفتر اسمه دفتر الاخطاء  شـنـــو نسوي بي دفتر الاخطاء 

تجي تڪتب اول مادة امتحنتها هي العربي ، بعدين تڪتب شــنــو الاخطاء الي سويتها بالامتحان؟ مثلاً بالادب ما جربت بالبيت تڪتب القصائد بورقة حتى تضبطها عدل بالامتحان و صــار عندك خطأ بالاملاء، فـ هنا تڪتب هاي النقطة

تجي نوب تشوف وين بعد خطأت؟ مثلاً بالانشاء ماحفظت مقدمة ولا خاتمة وبالامتحان حتاريت شتڪتب  فـ هنا تسجل هــآاي النقطة

بعدين تجي للقواعد وين خطأت بي؟ مثلاً انت دارس ڪُـلشي ومدرست الاعرابات ومن اجيت للاسئلة شفتها اغلبها تعتمد ع الاعرابات فـ هنا تسجل هاي النقطة

تجي لثاني مادة ناخذ ع سبيل المثال ( فيزياء)  او إي مادة علمية

تجي تشوف شــنـــو الاخطاء الي خطأت بيها بهاي المادة

مثلاً خطأك انو ما حفظت القوانين ، اجيت للامتحان فاهم الموضوع وتعرف تحل بـس القوانين ما حافظهن فـ هنا تسجل هاي النقطة حتى مرة ثانية تڪتب القوانين اڪثر مـن مرة وتحفظهن

بعدين تجي تشوف خطأك الثاني وين؟ يطلع عندك خطأ بالحساب متعرف شلون تضرب او تقسم فـ هنا تسجل الخطأ هذا وتدرس الاساسيات عدل مرة ثانية

بعدين تجي تشوف الخطأ وين؟ تلڪَا مثلاً خطأ انو دارس المسائل وتارك الشرحيات او بالعڪس ،  ومن شفت الاسئلة طلعن عڪس ما مسوي انت  فـ هنا تنتبه وتدرس ڪُـلشي حتى م تروح درجتك

اخذت الڪم مثال ع مادة درخية ومثال ع مادة علمية حتى تفتهمون شــنـــو الي اريده منڪم

بـس الانڪَلش هــم انتبهوا اله زين اڪو طلاب تخطأ انو ما تحفظ الافعال الشاذة وتروح عليهم نص القواعد بــسـبب الافعال الشاذة وووو بعد هواي اخطاء

فـ كُـل واحد بيڪم يسوي هاي الفقرة لأنو حتفيدڪم ڪُـــلش هواي ان شاء اللّٰـه

مو ما تسوونها حتفيدڪم وراح تذكرون بيوم الامتحانات

المصدر : 

نصائح سادسيون 

شبـڪة سـادسيـون التعليـميـة