بالتفصيل عبور السيارات الشخصية من العراق الى السعودية لاداء مناسك العمرة

العراق مستشار محافظ الأنبار لشؤون المنافذ الحدودية ، "سعاد جاسم زيدان" توضح الفئة المشمولة بقرار المملكة العربية السعودية ، بالسماح للسيارات العراقية الخاصة الدخول إلى أراضيها لأداء العمرة ، قائلة في تصريح لوكالة الأنباء العراقية "واع" : إنه "تقرر السماح للسيارات الصالون العراقية العبور عبر منفذ عرعر إلى المملكة العربية السعودية ، شرط أن تكون السيارة فئة سبعة راكب وموديلها من عام 2013 فما فوق".

يذكر أن هيئة الحج والعمرة العراقية أعلنت في وقت سابق عن دخول أول مواطن عراقي للأراضي السعودية عبر منفذ عرعر بسيارته الخاصة بعد انقطاع دام أكثر من 30 عاما.

1- هوية الاحوال المدينة او البطاقة الموحدة

2- شهادة الجنسية 

3- بطاقة السكن

4- البطاقة التموينية 

5- السنوية وتكون غير منتهية الصلاحية

6- في حالة اضافة سائق يعطية وكالة عامة يكتب فيها سياقة داخل وخارج العراق

 منشور للفائدة فقط  للي يحب يروح عمرة بل سيارة الشخصية 

هذا هو تفصيل عمرة البر نقلا عن احد المسافرين 

البارحة  طلعنه ساعه 7:00 صباحا 

وچان المشي عادي يعني 130-140 

وصلنه كربلاء بعد سيطرة عون اكو طريق 

اسمه طريق الحج البري 

هذا الطريق يؤدي ع الرزازه 

والطريق سالك لحد المنفذ العراقي 

والطريق سايد واحد بس طريق فارغ ومابي سيارات وطريق نظيف 

والطريق مؤمن بصوره غير طبيعيه 

بحيث كل كيلوين ابراج الجيش الباسل ربي يحفظهم

ومرابطات حتى ميخلوك توگف 

وصلنه منفذ عرعر ساعه 11:45

وبين منتظرنه بالمنفذ حتى توصل الباصات 

والهيئه العليا جزاهم الله الف خير 

قامو بالواجب 

وتغدينا  وصلينا وختمنه جوازاتنا 

وطلعنه ع منفذ عرعر السعودي 

خمس دقايق وصلنه 

بعدهه دخلنه ختمنه جوازاتنه

وشرط الفيزا فيزا ((عمره))

يعني لا متعدده ولا رجال اعمال نهائيا متفوت

ونزلنه الجنط فتشوهن 

واخذنه السياره ع سونار 

ورجعنه صعدنه الجنط 

بالنسبة للتأمين اذا عوائل تريد تأجر باصات خاصة بيهم فيدفعون  تأمين الباص اسبوعين 250$ 

وسيارتنه الخاصه 40$ يعني اذا تبقى أكثر من أسبوع تامن 80$ دولار للاسبوع

وچان التعامل كلش رائع من الجانبيين 

وفرحانين بالمعتمرين 

وبعدهه طلعنه 

على مكتب وزارة الحج السعوديه 

اخذنه تصريح 

وشربنه چاي وتوكلنا على الله

وره عشر دقايق مشي داخل الاراضي السعوديه 

اكو لافته الطرق : المدينه المنوره 1050 كيلومتر وتمر بعدة محافظات منها عرعر وسكاكة وحائل يعني تكدر تريح هناك وتكمل طريقك وبعدها المدينة المنورة وبعدها مكة المكرمة الطريق طوله بين مكة والمدينة 450 كيلومتر يعني من بغداد لمكة 1900 كيلومتر تقريبا

تكدرون تحرمون من ميقات أهل العراق أو ميقات ابيار علي قبل المدينة المنورة  

البنزين متوفر سعر اللتر = 2.16 ريال 

يعني بالعراقي= ٩٠٠ دينار 

بالدولار  =٦٥ سنت 

هناك تكدر تمشي على خرائط كوكل وأهم شي تلتزم بالسرعة المحددة لان اكو كاميرات المراقبة غرامات فورية مابيها مجال وكذلك اطبكها للسيارة بكراجات خاصة ترة إذا ممنوع الوقوف تنشال السيارة يعني التزم بالنظام وأهم شي حزام الأمان وعدم التكلم بالموبايل 

واكيد لازم عندك اجازة سوق وعندك دفتر خروج للسيارة والإجراءات كلش سهلة يطلع من بغداد 

ضبط سيارتك و توكل على الله

منقول