شرح بشكل سهل وبسيط احياء ثالث متوسط الفصل الاول الخلية الانسان وصحته حوار سؤال وجواب
اهلا وسهلا اكثر البحث عن شرح الاحياء صف الثالث متوسط وسنوفر لكم في هذه الصفحة معلومات عنه لذلك اهلا بكم
شرح بشكل حوار طالب واستاذ الفصل الاول الخلية مادة الاحياء ثالث متوسط
تسهيل للطالب مادة الاحياء ثالث متوسط موضوع الفصل الاول الخلية
س #ماهو_تعريف_ الخلية؟
ج/ هي وحدة البناء والوظيفة .
#علل_يعد جسم الإنسان ارقى اجسام الكائنات الحية ‼️
ج/
١. كفاءة خلايا الجسم
٢. تخصص الاعضاء.
#علل_ان خلايا جسم الإنسان تتشابة بكثير من الصفات المشتركة وتختلف جزئيا عن بعضها‼️
ج/ وذلك لوجود أو فقدان بعض التراكيب ذات العلاقة بوظيفتها.
#الخلية_
سالفتها مثل سالفة المدرسة 😳
اشلون أستاذ ☺️
المدرسة بيها سياج يعني حائط 😉 وبيها ساحة مال طوبة😇 وبيها غرفة مال مدير اللي هي الادارة
اي صح استاذ
يعني المدرسة لازم بيها هاي الامور
مايصير مدرسة مابيها حائط أو ادارة مال مدير أو ساحة مال طوبة😎
#الخلية_
نفس الشي لازم بيها حائط( الغشاء الخلوي) 😤
ولازم بيها ساحة مال طوبة( السايتوبلازم)
ولازم بيها غرفة مال مدير( النواة) 🌑
ومايصير خلية مابيها
#غشاء_خلوي_
#سايتوبلازم_
#نواة_
س #ماهي_الاجزاء_الرئيسية_🔥
ج/
١. الغشاء الخلوي
٢. السايتوبلازم
٣. النواة
س #ماهي_وظيفة_الغشاء الخلوي ؟
ج/ هذا نفس وظيفة سياج المدرسة 😍
١. هو الجزء الخارجي الذي يحافظ على محتويات الخلية
٢. يحدد شكل الخلية الخارجي
٣. يسمح ب انتشار الماء والأملاح والمواد الاخرى من الخلية والى الخلية
س #ماهي_وظيفة_السايتوبلازم‼️
ج/
١. المحافظة على ضغط الخلية
٢. يحتوي على العضيات الخلوية
٣. تمر من خلالة جميع المواد الضرورية لاستمرار الخلية وبقائها
س #ماهي_وظيفة_ النواة ‼️
ج/
١. تنظم عمل الخلية
٢. تنقل الصفات الوراثية
استاذ 🗣🗣🗣
اشبيك تصيح
سؤال
ماهي العضيات الموجودة في الخلية واللي تساعد الخلية😳 الخلية تكمل شغلها
العضيات هي
١. بيوت الطاقة
٢. اجسام كولجي ( نسبة للعالم كولجي)
٣. الفجوات
٤. الأجسام الحالة
٥. الأهداب والاسواط
٦. الجسم المركزي
٧. الرايبوسومات
زين استاذ هذني العضيات شنو شغلهن💯
تساعد الخلية😂 الخلية تكمل شغلها
العضيات هي
١. بيوت الطاقة / اكسدةالغذاء
٢. اجسام كولجي( نسبة للعالم كولجي) / الافراز
٣. الفجوات / خزن المواد الغذائية والاخراج
٤. الأجسام الحالة / افراز انزيمات تحلل الخلية بعد موتها
٥. الأهداب والاسواط/ الحركة
٦. الجسم المركزي / له علاقة ب انقسام الخلية
٧. الرايبوسومات/ صنع البروتين
س #استاذ_هل هناك علاقة بين الشكل ووظيفة اي خلية في جسم الانسان ‼️
ج/ نعم اكو علاقة
ليش استاذ🗣
لان الخلية هي وحدة البناء والوظيفة في جسم الانسان 😀
استاذ 🗣🗣🗣 نعم
شنو هذا النسيج 👀💪؟
ج/ هو مجموعة من الخلايا المتشابهة في الشكل والتركيب والوظيفة
يعني أستاذ 😳اذا عندي خلية وحدة اكدر احصل على نسيج؟
ج/ كلا
زين استاذ😭 اذا خليتين؟
ج/ كلا
اشبيك استاذ😳
بابا لازم تجيب #مجموعة_ من الخلايا المتشابهة في الشكل والتركيب والوظيفة
زين استاذ اكدر نتحاور ‼️
لعد شنو دا اسوي وياك 😳
استاذ😡 عددلي أنواع الأنسجة الجسمية الموجودة في جسم الانسان 🙅♂🙅♂
ج/
١. الأنسجة الطلائية 😉
٢. الأنسجة الضامة أو الرابطة 😡
٣. الأنسجة العضلية 👍
٤. الأنسجة العصبية 🧠
سؤال
اشلون احصل على أنسجة طلائية ‼️
ج/ لازم تجيب مجموعة من الخلايا الطلائية المتشابهة في الشكل والتركيب والوظيفة
هااا جيد
ونفس الشي استاذ اذا اريد أنسجة رابطة؟ صح
اي عفية
لازم تجيب مجموعة من الخلايا الرابطة المتشابه في الشكل والتركيب والوظيفة 👍
استاذ عفية لخص اللي #الانسجة_الطلائية_‼️
بابا انت هم شايف ناس تصبغ بيتهم؟
اي استاذ شايف
هاي الأنسجة الطلائية تشبة الطلاء( الصبغ) 😷💄☄🌬
يعني اكو واحد يطلي السطح الخارجي يعني الواجهة مال بيته
واكو واحد يبطن السطح الداخلي
يعني من جوه بيته
عفية استاذ انت دا تحجي صدووك😳
ج/ اي والله
زين الصبغ بيه مسافات بينية؟ يعني بيه زرف🙈 ؟ اكيد لا
ف النسيج الطلائي ‼️
عبارة عن صفيحة من الخلايا التي تغطي السطح الخارجي( الواجهة مال البيت) 😂 أو تبطن السطح الداخلي( بيت من جوه) 😂
تفصل بينها مادة بين خلوية ( الزروف) قليلة جدا
يعني أستاذ اذا كالوا انطيني مواصفات الأنسجة الطلائية شراح اكووول 🤐
١. خلاياها متقاربة من بعضها بعضا
٢. تفصل مادة بين خلوية قليلة جدا
٣. يوجد تحت النسيج الطلائي #غشاء_غير_خلوي_يدعى
#الغشاء_القاعدي€😐😐
استاذ شفت تعليل بالوزاري
#تعليل_
وجود الغشاء القاعدي تحت النسيج الطلائي ‼️
اشبيك لعد اني شنو جنت احجي وياك قبل شوية😡
اعصابك فدوة
بابا هذا غشاء قاعدي مدبك😍 بالنسيج الطلائي
موقعة تحت النسيج الطلائي
وظيفة
يعمل على اسناد النسيج الطلائي وربطة بالانسجة الرابطة التي تقع تحته
زين استاذ ممكن نكمل😘
يله
اكو تقسيم مدري يسمونه تصنيف الأنسجة الطلائية😱
هذا كلاوات
اشلون استاذ كلاوات
يعني يريد يكولك بان الأنسجة الطلائية قسمين
#انسجة_طلائية_غدية_ افرازية_
#واكو_انسجة_مغطية_او_مبطنة
اي استاذ
الغدية كلاوات ماتجي لان الكتاب ماشارحه😍
صدووك أستاذ
بس كايل تفرز انزيمات وهرمونات ودهون ومخاط🤮🤢😤
المهم القسم الثاني شارحه ابو الكتاب اللي هيه #الانسجة_المغطية_او_المبطنة
أستاذ هاي اشلون افهمها 😢
سهله بابا اشبيك😤😤😤
انت هم مشتغل عماله بعطله اخير السنة تجمع افلوس تشتري ملابس حذاء ‼️😂😂 اي استاذ
شايف البنه (الاسطة)
مرة نهار كامل يله يبني ساف واحد طابوق
صح
هذا يسمونه طلائي #بسيط_ لان صف واحد باني
واكو ( اسطة) يبني هواي 👍
مو ساف ولا سافين من الطابوق خوش اسطه
هذا يسمونه #طلائي_طبقي_مركب
عفيه أستاذ افهمت بان الانسجة الطلائية اكو
#انسجة_طلائية_بسيطة_
#واكو_انسجة_طلائية_طبقية_
عاشت ايدك👍😘
زين استاذ هم عندي مشكلة ‼️
اشبيك انوووب 🗣🗣🗣🗣
هاي الأنسجة اشلون احفظها
اني اعلمك طريقة وهي تحفظ بس الاماكن😂
#الانسجة_الطلائية_البسيطة_
١.#نسيج_طلائي_حرشفي_
يوجد في الأوعية الدموية واللمفاوية والحويصلات الرئوية وبطانة الجوف الجسمي
٢. #نسيج_طلائي_مكعبي_
يوجد في بطانة النبيبات البولية
٣. #نسيج_طلائي_عمودي_
يبطن جدار القناة الهضمية
شايف عمود الكهرباء من تدعمه سيارة؟ شكله يشبة الامعاء يصير😂 هيج 🐉 هذا الشكل يشبة القناة الهضمية 😍
٤.#النسبج_طلائي_عمودي_طبقي_كاذب_
يوجد في جدار القصبة الهوائية
ونفس الشي راح اسويلك
#الانسجة_الطلائية_الطبقية_
١.#نسيج_طلائي_طبقي_حرشفي_
يوجد في الطبقة المولدة للجلد
٢.#نسيج_طلائي_طبقي_مكعب_
يوجد في الغدد العرقية
٣. #نسيج_طلائي_طبقي_عمودي_
يوجد في بطانة البلعوم
٤. #نسيج_طلائي_انتقالي_
هذا بسيط شايف التكه( البلاستيك )
هذا يتمطا 😳 لان موجود في #المثانة_ 🙈
من تنترس البول 😂 يكبر حجمها
من واحد يفرغ البول 😂 يرجع حجم المثانة الاصلي👍
يسمونه نسيج انتقالي
استاذ #الانسجة_الرابطة_
مرات يسمونها #الضامة_ ليش 🔥🔥🔥🔥
تقوم هذة الانسجة باسناد اجزاء الجسم وربطها مع بعضها بعضا
استاذ ماشي
سؤال شنو مواصفات #الانسجة_الرابطة_‼️
ج/
١. تقوم هذة الانسجة باسناد اجزاء الجسم وربطها مع بعضها بعضا
٢. تحتوي على كميات كبيرة من مادة بين خلوية( الفراغات أو الزروف) 😳
استاذ🗣🗣🗣
هاي التصنيفات مال الانسجة الضامة مهمة ؟
هاي كلاوات 😂
يريد يكولك بان النسيج الرابط بيه
#خلايا_
#الالياف_
#المادة_الاساس_
والتقسيم الثاني هم كلاوات 😳
يريد يكولك بان
اكو
#انسجة_رابطة_اصلية_
#انسجة_رابطة_هيكلية_
#نسيج_رابط_خاص_
سؤال استاذ خارج الكتاب 😳
اي احجي بسرعة لان اريد اشرح 😡
#علل_
يحدث انتفاخ بعد الحروق الجلدية البسيطة بدون نزف دم‼️
ج/ نعم صحيح لانه لايحدث اختراق للانسجة
#النسيج_العضلي_🦾💪🦵🦶
عددلي مواصفاته استاذ
طبعا هو النسيج المسؤول عن حركة مختلف اجزاء الجسم😳 حقه من يشيل خشمه
بسبب قابليته على التقلص والانبساط🦾💪
زين استاذ اكو اسم ثاني للخلايا العضلية؟
اي
يسمونها #الالياف_العضلية_💪
استاذ بيه فراغات؟
لا وين كله عضلات بيه كمية قليلة من المادة البينية
استاذ عددلي أنواع العضلات ‼️
١. العضلات القلبية اللاارادية
٢. العضلات الملساء اللاارادية
٣. العضلات الهيكلية الارادية
اخر شي ونختم الدرس استاذ ولو تعبتك😂
#النسيج_العصبي_🧠🧠🧠
أستاذ اشلون احصل على نسيج عصبي ؟
ج/ لازم تجيب مجموعة من الخلايا العصبية المتشابهة في الشكل والتركيب والوظيفة
س #عرف_الخلايا_العصبية_🔥
ج/ وهي خلايا متخصصة توجد في النسيج العصبي تقوم بنقل الحوافز ( يعني اليوم حارة أو باردة) 😳 من المحيط( يعني الجو بالخارج )👍 إلى اجزاء الجسم الاخرى
استاذ ممكن تشبهلي الخلية العصبية بشي اكدر اتصوره😔
شايف الشجرة 🌲
اي استاذ
الخلية العصبية تشبة الشجرة
بس بدل الساق اخلي #المحور_
وبدل الاغصان #اخلي_البروزات_الشجيرية_
😂
يعني أستاذ اذا اجاني سؤال
#ماهو_تركيب_الخلية_العصبية_
ج/
١. جسم الخلية
٢. البروزات البروتوبلازمية وهي على نوعين
#المحور_ينقل السيلات العصبية إلى خارج جسم الخلية العصبية
#البروزات_الشجيرية_
تنقل السيلات العصبية إلى داخل الخلية العصبية
استاذ خلصنا الفصل 😘
بس بقه شي واحد😳
احنه بدينا من #الخلية_
ثم #النسيج_
ثم #العضو_
ثم #الجهاز_
ثم #الجسم_
لذلك هذا الفصل يسمى #بناء_جسم_الانسان_
حل اسئلة الفصل صفحة ١٨
شرح بشكل سهل وبسيط احياء ثالث متوسط الفصل الاول الخلية الانسان وصحته حوار سؤال وجواب
جميع الحقوق محفوظة لاصحابها ولموقع الاستاذ احمد مهدي شلال عباس المهداوي على الانترنت
انتهى الموضوع شكرا (لك / لكِ)
مهم لك عزيزي الزائر الكريم شرفتنا ونحب تواجدك معنا
قنوات ومواقع التواصل الاجتماعي الرسمية للاستاذ احمد مهدي شلال تابعنا باي مكان تريد حيث المصداقية والحقيقة في النشر اولا باول وهذه هي المواقع الرسمية اختر ما تريد بالضغط على الايقونات ادناه
او 
او 
او 
او 
او 
او
او
وتقبلو تحياتي
التعريف بالموقع : هذا الموقع تابع للاستاذ احمد مهدي شلال بشكل رسمي وكل ما ينشر في الموقع يخضع للمراقبة وموقع الاستاذ احمد غير مسؤول عن التعليقات على المواضيع كل شخص مسؤول عن نفسه عند كتابة التعليق بحيث لا يتحمل موقع الاستاذ احمد مهدي اي مسؤولية قانونية حيال ذلك