خطبها اربع مرات قبلي وأهلها رفضوا ( الجمال او الاخلاق )

يقول صاحب القصة قصتي بدأت اول ما فكر ابويا يتزوج قبل ولادتي قبل مجيئي للدنيا راح ابويا لجدتي وعماتي وقال لهم ابغى اتزوج واريدكم تبحثون لي على زوجة اذا دخلت على الحريم الحريم يشهق من جمالها كان طلب ابويا في الجمال مره صعب ومحدد كل شيء من ناحيه الملامح والعيون وطول الشعر وبدأت رحله عماتي وجدتي انهم يدورون هذه الإنسانة وراحوا يبحثون على نفس المقاييس والجمال اللي يريدها ابويا وأخيرا حصلوا البنت اللي على نفس المقاييس والجمال لكن ليست في منطقتنا في منطقه بعيده جدا وقالوا لأبويا ووافق وطبعا عرفوا من كلام الناس ان تلك العائلة بناتهم ملكات جمال وفعلا توجهوا ابويا وجدتي وعماتي على منطقه البنت هذه وصارت الشوفة الشرعية وابويا طار عقله من جمال امي واهل امي كانوا ناس بسيطين ويبغون الرجال اللي يشتري النسب وتمت الخطبة وكانت مده الخطبة والزواج اقل من شهر وفعلا تم الزواج وبدات الاحداث في يوم الزواج كان الزواج في منطقه اهل امي يقول ابويا وانا واقف في الزواج وقت استقبال الضيوف واقف طبعا انا يعني ابويا وواقف جنب ابوه واخوانه دخل عليه رجال اسود مو اسمراني اسود وسلم على جدي واعمامي ولمن وصل عند ابويا قال في اذنه مبروك لكن ما راح تكمل معاها وقريب بتطلق في اسرع وقت وراح ودخل جوا في صاله الضيوف 

طبعا ابويا من الصدمة راح لحقه يبغى يعرف مين هذا يعني شخص ملامحه مو واضحه يده خشنة وللأسف كانت ريحته بشعه يقول ما حصلت احد التفت ورا الا احصل اعمامك قرائبنا ورايا مفجوعين يقولون ايش بك تركت صف الاستقبال ووجهك كذا شاحب ومفجع ايش فيك قال ابويا لهم قاعد الحق الرجال انصدموا قالوا أي رجال قلت الي سلم علينا كلنا وقال كذا وكذا وكذا قال يا رجال تعوذ من ابليس ما في احد وعادي عادي تصير لأنك عريس ومتوتر تعوذت من الشيطان ووقفت معاهم وانا في بالي هذاك الشخص عدت ليله الزواج وجاء الوقت اللي يأخذ فيه ابوي امي ويروحون الشقه طبعا وقتها ما كان في فنادق او فنادق فخمه زي الحين كانت شقق عادي وشيء بسيط جدا يقول ابويا لما جيت دخلت الغرفة وابغى اشوف امك لقيت امك زي المشلولة يدها ملتويه واصابعها مشدودة وريقها ينزل على ملابسها في الوقت هذا كان صدمه ابوي ان البنت الحلوة اللي يتمناها يشوفها بهذا المنظر يقول بدون تردد اتصلت على اخوانها عشان يشوفون ايش ذي المصيبة اللي حصلت على طول جو اخذوها وقالوا خلاص خلها يومين ترتاح عندنا وبعدين تعال خذها قول طيب وبالي كان مشغول معاها بعد يومين اتصلت عليهم ابغى اشوف ايش وضع البنت

اتصلت قالوا والله من يوم ما دخلت البيت وهي طبيعيه وما تتذكر ايش صار عموما تعال خذ زوجتك ويمكن عشانها كانت متوترة وشدت اعصابها يعني وفعلا رحت اخذتها وفي السيارة بديت أتكلم معها واحاول اخفف على نفسي باللي شفته قبل واخفف عنها حتى هي كمان دخلنا البيت وجلسنا نسولف واليوم الثاني يقول لي ابويا امك ما هي امك صرت اشوفها تصارخ وتقول ما ابغاك البيت صار في ريحه وصرت اشوف كوابيس سالت كذا شخص قالوا وديها لشيخ وديها الشيخ يقرا عليها ويقرا عليك وفعلا وديتها لشيخ وطلع ان امي فيها سحر واللي سحرها كان واحد خطبها قبلي اربع مرات واهل زوجتي رفضوه استمرينا على الشيخ لمده شهرين كنت ساكت ما علمت لا أهلها ولا اهلي بعد الشهرين هذه صارت امي تتعب اكثر وقال الشيخ اعرضها على طبيب نفسي يعني ممكن كمان حالتها تتحسن علاج وطبيب وقراءة قران هنا قررت أقول لأهلها قلت لأهلها اني بعرضها على دكتور نفسي لكن هنا بدأت الصدمة اهل زوجتي رفضوا ولما جلسوا مع البنت قالوا انت اللي جننتها وبنتنا ما هي مجنونه اتهموني بأشياء انا والله ما سويتها فقررت ام زوجتي اني اطلقها وانا رفضت فمرة كنت في دوامي وزوجتي طبعا عند أهلها طبعا وقفوا عني الشيخ ومنعوني حتى اني اشوف زوجتي فلما عرفوا اني انا في الدوام جوا للبيت واخذوا اغراضها وذهبها وما خلوا شيء لها في البيت الا شالوه رجعت بيت ولقيت ملابسها وعفشه مأخذيها ما موجودة في البيت وحصلت رساله من ام زوجتي 

تقول مالك عندنا شيء الا الشيء الوحيد اللي في بطنها بعد ما تولد اخذه وروح ما نبغى منك شيء انا انصدمت وفرحت في نفس الوقت يعني من جد زوجتي حامل ما عندي خبر مشاعري متلخبطه فرح زعل كل شيء انا كلمتهم كثير وترجيت اني اجي بس اسلم على زوجتي وابغى اتفاهم معاها لكنهم اصروا على الرفض واستمريت اسوي هذا الشيء واحاول فيهم لحد ما صارت زوجتي حامل في الشهر الثامن وما زالوا يرفضون هنا قررت اني ادخل اهلي في الموضوع بحيث يرجعوني لزوجتي اللي احبها ولقيت فيها كل شيء اريده لكن كان ردهم لأهلي نفس الرد اللي قالوا لي مالكم غير ولدكم تأخذونه والله يستر عليكم قصدهم البيبي ونبشركم تروه ولد واللي هو صاحب القصة اللي قاعد يحكينا القصة حاليا

طبعا قال لي ابويا قررت اني اسميك فلان على عمك يعني المقرب لقلبي طبعا احنا حاولنا ودخلنا شيوخ قبائل في الموضوع عشان زوجتي ترجع لي لكن ابدا ما في امل وجاء وقت الولادة وجيت انا اللي قاعد أقول لكم القصة ويقول ابوي الصدمة انهم لما اتصلوا عليه اهل زوجتي قالوا تعال خذ كلبك ما نبغاه طبعا عصبت ورحت لهم وقطعت مسافه لأني كنت في مدينه اهلي وسويت مشكله وجلست اصيح انه حرام عليكم حفيدكم وهذه بنتكم وما تستفيدون من انكم تطلقونه مني كانوا يقولون شغاله ببلاش ما الك دخل انت طلق وبس وصدمتني انها تقول ترى البنت حتى بيض ما تعرف تسوي البنت مسحورة من زمان واحنا ضحكنا عليك وما كنا نتمنى انه يكون في طفل لكن نصيبك خذه وربيه انت لان بنتنا ما تقدر تشيل نفسها عشان تشيل ولدك وقتها يقول ابويا طالعت في امك وانت كنت في حضني حقيقي زي ما قالت أمها ما تعرف تسوي شيء وكأنها صنم يجلسون ويقومون بكيفهم فيها قال ابويا هنا قررت اني اخذ الباقي من كرامتي وكرامتك يا ولدي ونرجع مدينتنا 

لما دخلت بيت اهلي وانت في حضني جدتك انبسطت لكن عماتك قاموا علي قاموا أخذوك لبسوك واعتنوا فيك وانا ماني عارف ايش اسوي فيك ولا شوا اسوي في وضعي قررت جدتك تربيك وقالت نصيب يا ولدي وازوجك اللي احسن منها جلست فتره متضايق وبعد شهر رجعت لدوامي بعد ما خلصت اجازتي اللي اخذتها وابتدأت امارس حياتي العملية والحياتية وفي يوم من الأيام كنت طالع من البيت رايح للدوام ركبت السيارة وشفت الباص تبع الجامعة كان واقف قدامي طلعت بنت من البيت وركبت الباص بديت افكر في تلك البنت حشمتها جذبتني استني البنت هذه كل صباح وكل ظهر لما تروح الجامعة ولما ترجع انتظرها في السيارة بس عشان اشوفها راكبه او حتى نازله من الباص هنا رحت سالت ولد اخويا الصغير قلت له جيرانا مين بنته اللي تروح الجامعة قال فلانه ليش قلت لا بس خلاص رحت لأمي اللي هي جدتك وقلت ابغى اخطب بنت الجيران فلانه

قالت ايش من صدق انت تتكلم قلت نعم قلت لا بس انها هي لونها اغمق شويه وانت تحب البياض يعني لا لا لا المهم قلت لهم كلموهم نبغى شوفه شرعيه وبأذن الله اني اخذها طبعا عرفوا اخواتي بالموضوع عماتك وقاموا علي ليش ايش تبغى فيها كان موضوعهم اللون يعني عنصريه مليون قلت البنت اخلاقها فيها شيء شكلها في شيء نسبها فيها شيء قالوا لا بس اللون قلت انا ابغاها وانا اللي بعيش معاها كانوا اخواتي مخططين يزوجوني واحده من القرايب وزعلانين اني ما بأخذها وبأخذ بنت جيرانا لكن ما اهتميت لهم في النهاية انا اللي بعيش معاها وفعلا رحنا لبيت جيراننا واستقبلنا احلى استقبال وفعلا طلعوا رجال وشاريني شافتني وشفتها ونسبنا بعض الحمد لله كان شرط امي اللي هي جدتي ما تدخل فيني انا يا الحفيد ووافقت وتم الزواج والحمد لله

بعد أسبوعين من زواجنا جت جدتي كانت شايلتني قالت خذ ولدك تعبني ما خلاني انام واخواتك طفشوا منه خذه انت كذا فجأه بدون اي مقدمات طلعت زوجتي واخذتك منها قالت خلاص انا ابغى خلوه معاي انصدمت قلت يا فلانه احنا دوبنا عرسان مالنا الا أسبوعين بس قالت عادي عادي والله حرام أصلا من قالت امك مالك دخل فيه وانا متضايقة ما صدقت انها جابتها خلاص تكفى خليه معانا انا بهتم فيه كأني امه قلنا يلا امنا بالله وكبرت انت يا ولدي وبدات جدتك تضايق زوجتي لأنه مو ولدك ولأنه ما تعبتي فيه ما تعبت في حمله ما تعبت في ولادته ما ادري ايش دخل هذا الموضوع وعماتك من جهه ثانيه وصارت مشاكل كثيره للعلم انك انت يا ولدي كنت شقي تعرف شقاوتك وكانت زوجتي تعاقبك زي أي ام تربي ولدها كبرت انت يا ولدي وجاء اخوك الثاني وجاء الثالث وجاء الرابع

وصرنا احلى عائله وعشت معانا حياه حلوه مثل أي عائله فيها عقابات لما انت واخوانك تعملوا مشاكل وفيها مكافأة لما تنتظم بعدها ابتدت رحلتي انا الحفيد مع اهل امي اللي مسحورة ومع امي الثانية زوجه ابويا اللي ربتني وعماتي وجدتي قاطعوا امي الي هي "مرات ابويا" لأنها احسنت تربيتي يقولون انها منافقه وتبغى تبين للناس انها صالحة وأنها عاملت ولد زوجها احسن معامله طبعا ابويا قال لزوجته امسكي بيتك ولاعاد تروحين عند امي حفاظا على كرامة الجميع لأني انا ما ارضى عليك طبعا انا في فتره المتوسط اصير معي أشياء غريبه مثل أصوات قبل النوم اشوف أشياء واحسها خيال أشياء ماهي طبيعية ابدا فترة عن فتره صرت ما عاد اقدر اتحرك واحس راسي مليان أصوات صرت ابكي واخاف كثير وبس ابغى انام بعدها صار ابويا يشوف وضع امي فيني أيام ما كان يشوفها تصارخ وفيها زي الشلل وما تتحرك على طول مسكني ابويا ووداني عند شيخ يقرا علي وطلع ان فيني مس واثاره من السحر اللي في امي بدات معاناه القراءة والشيوخ وبدات زوجه ابويا اللي هي امي انا اشوفها امي اللي ربتني وابويا كلهم يهتمون فيا وكان اهتمامهم مكثف لدرجه انهم اهملوا اخواني والحمد لله انا اليوم عمري 26 سنه وباقي لي سنة واخلص الهندسة وكل هذا بفضل الله ثم امي امي اللي ربتني هي وابويا وامي اللي مسحورة وتعبانه اتواصل معاها بين فتره وفتره واوقات أهلها يصرفون ويعطوني اعذار انهم مسافرين غير موجودين واعذار كثيره

العبرة من القصة ان اختياراتكم قيسوها على الاخلاق على الخوف من الله وليس على جمال واللون

العبرة الثانية ان ليس كل زوجه اب ظالمه او منافقة بالعكس يشهد ربي اني ما حسيت اني وحيد معاها اهتمت وربت واكلت وشربت ولبست ما حسيت اني غريب عن اخواني والحمد لله انا اليوم فخور ان ربي عوضني بأم وخوال غير عن اللي يضحكوا على ابويا و كنت اشوف هذا الشيء فيهم لما اروح زيارات عند امي