كيفية ملئ استمار التقديم على المركزي على الجامعات والمعاهد 2023

ترتيب استمارة التقديم المركزي لطلبة السادس الاعدادي (الاحيائي والتطبيقي والادبي والفنون والمهني) للعام الدرسي 2022 - 2023

اهم خطوه بعد ان تاخذ نتيجتك هي التقديم المركزي حتى لو كان معدلك قليل وتريد اتقدم اهليه لسنة 2023

 ملاحظه مهمه لخريجي السادس العلمي والادبي :- 

للتعرف اكثر على القبولات والحدود الدنيا لجميع الكليات والمعاهد للعام المقبل 2023 من خلال الضغط هنا

خطوات مابعد النتيجه التقديم على استمارة الالكترونيه المركزيه لاخيار الجامعات والمعاهد لسنة 2023/2022

من ماتطلع نتيجتك وانت ناجح بإعتبار خلصت المرحلة الاعدادية (الي تابعة لوزارة التربية) وانتقلت لــ (وزارة التعليم) الجامعة

- اول شي تسويه تستلم الرقم السري من مدرستك ﴿مدرستك حتبلغك بموعد الاستلام﴾

🔴 الرقم السري اهم شي ممكن تحافظ عليه بهل فترة اعتبره جهدك ونتيجتك وتعب السادس كله ولاتنطيه لاي شخص لان مستقبلك بيه ولان بالتقديمات المهمة تحتاجه .


🔴 استمارة التقديم المركزي عبارة عن استمارة بالانترنت تطلق من قبل وزارة التعليم بيها تسجيل دخول تكتب رقم الامتحاني والرقم السري الي استلمته راح تفتح قائمة بيها اسمك وقائمة تختار بيها الجامعات والكليات والمعاهد

🔵 سؤال ؟ شلون نرتب قائمة التقديم ونحصل التخصص الي نريده راح اجاوبك بشكل مبسط بس قبل مااجاوبك , لازم تقرأ عن التخصصات الي ترغبها تكدر تستخدم اليوتيوب او الكوكل حتى تبحث عنها .

- اكيد بعد ماقريت عن التخصصات وشفت الحدود الدنيا لسنة2022 الي هو ملف بيه معدلات الكليات والمعاهد للسنة السابقة ﴿راح تبدي ترتب الكليات او المعاهد من اول رغبة الك (يكون معدلها مقارب لمعدلك وبنفس مكان سكنك او محافظة تكدر تروح الها بسهولة) وتسأل نفسك اذا ماطلعتلي هالكلية او المعهد اش اريد بعدها وتخليه ثاني إختيار وتمشي على هالمنوال الى ماتكمل ال50 خيار ﴾ تكتبهم بورقة حتى تكون مسودة

- بصورة عامة استمارة الاحيائي والتطبيقي لازم تكتب بيها 50 اختيار من بينهم 10 معاهد.

🔺 استمارة الادبي تكون 50 خيار من بينهم 10 معاهد وتكدر تملي 25 خيار من ضمنهم 10 معاهد
🔺 تخلون رغبتكم بالبداية وع اساس الحدود الدنيا للعام الماضي
🔺 ماكو نقل او استضافة بالمرحلة الاولى بـ استثناء ابناء الهيئة التدريسية
🔺 ماكو مفاضلة بالدروس الا ع مقاعد الاخيرة
🔺 تضاف درجة واحدة ع معدل اذ كان الطالب ناجح من الدور الاول ( باستثناء التحميل)وتضاف 0.8 لطلبة اللغات
🔺 التقديم عل
مسائي وحد , والتقديم علمباشر وحد , والتقديم علموازي وحد , والتقديم علوقف وحد , والتقديم علاهلي والمنحة المجانية وحد , …حالياً فقط المركزي ورا ماتطلع القبولات مال مركزي يفتح الاهلي والموازي .

🔵ملاحظة : موشرط تخلي اول خيار كلية عادي تكدر تخلي معهد .

🔴وبالنهاية : كنصيحة أخوية لاتستعجل بالتقديم واقرا عن كل التخصصات بتمعن واعرف اش تريد ولاتضيع مستقبلك بالتهور والسرعة خذ وقتك بإتخاذ قرارك مدة انتهاء الاستمارة كلش طويلة وتكدر تعدل عليها مرة وحدة وايضاً يتمدد وقتها الى بعد نتائج الدور الثاني .

تفاصيل اكثر عن ملئ الاستمارة التقديم المركزي 👇على الرابط


لرؤية نماذج من استماره تم تقديمها عام 2022 لجميع المعدلات 👇 على الرابط





كيفية التعامل مع استمارة التقديم المركزي لاختيار الجامعات لخريج السادس الاعدادي لعام 2023

جميع الحقوق محفوظة لاصحابها ولموقع الاستاذ احمد مهدي شلال عباس المهداوي على الانترنت
انتهى الموضوع شكرا (لك / لكِ)

 مهم لك عزيزي الزائر الكريم شرفتنا ونحب تواجدك معنا 

قنوات ومواقع التواصل الاجتماعي الرسمية للاستاذ احمد مهدي شلال تابعنا باي مكان تريد حيث المصداقية والحقيقة في النشر اولا باول وهذه هي المواقع الرسمية اختر ما تريد بالضغط على الايقونات ادناه

 او  او  او  او  او  او او

وتقبلو تحياتي

التعريف بالموقع : هذا الموقع تابع للاستاذ احمد مهدي شلال بشكل رسمي وكل ما ينشر في الموقع يخضع للمراقبة وموقع الاستاذ احمد غير مسؤول عن التعليقات على المواضيع كل شخص مسؤول عن نفسه عند كتابة التعليق بحيث لا يتحمل موقع الاستاذ احمد مهدي اي مسؤولية قانونية حيال ذلك




وضع القراءة :
حجم الخط
+
16
-
تباعد السطور
+
2
-